بالصور.. فنانون يتضامنون مع تامر حسني بسبب صورته أيام "الكحرتة"

الثلاثاء 22/نوفمبر/2016 - 09:28 م

حسن أمين

تضامن عدد كبير من الفنانين والمطربين مع المطرب تامر حسني، بعدما أصدر بيان مساء أمس الاثنين عبر صفحته الرسمية بموقع التواصل الاجتماعي "فيس بوك"، يوضح من خلاله حقيقة الصورة الخاصة به التي تدوالها رواد مواقع التواصل الاجتماعي وهو أيام "الكحرتة" قبل بداية مشواره الفني.

وتضامن نجوم الوسط الفني معه من خلال تعليقاتهم على المنشور الذي أصدره "نجم الجيل" تامر حسني، ورصد "المواطن" عدد من التعليقات...

وكانت المطربة بسمة بوسيل، زوجة تامر حسني، أبرز المعلقين على المنشور وقالت: "ربنا يحميك ويخليك لكل الناس الي بتحبك أنا فخورة بيك جدا، أنت قدوة يُقتدى بها في كل حاجة".

وقام الفنان شريف منير بالتعليق على البيان قائلا: " حتخليني أنزل بصوري أنا كمان يا تامر.. على العموم إللي بيترّيأ يبقى يطلع صوره القديمة ويشوف نفسه كان عامل ازاى.. أنا فخور بيك وبحبك.. لإنك حقيقي راجل وجوّاك أبيض زى الفل.. عشان كده ربنا بيكرمك ".

وعلق الشاعر الغنائي خالد تاج الدين قائلا: "والله محترم ومكافح"، وقال الفنان الشاب أحمد جمال سعيد: "بجد أنت إنسان محترم وصدقني على قد ما تعبت على قد ما ربنا هيكرمك إن شاء الله.. شكرًا على البوست إللي خلاني فعلًا أفكر بإيجابية أكتر".

وجاء تعليق نجمي برنامج اختيار المواهب الشهير "ستار أكاديمي" محمد شاهين: "أنت فخر لأي حد"، وعلق المطرب محمد سراج "أنت قدوه ليا ولأي حد عنده طموح،، استمر ف نجاحك فأنت تامر حسني".

ووجه الإعلامي ممدوح موسي رسالة إلى تامر حسني قائلا: "يا تامر ده عادي لو رجعنا لكل العملاقة كانوا أساسا معندهمش فلوس ولا مكان يناموا فيه ده شرف إنك بنيت نفسك بنفسك أحسن من أي شخص بيتريق عليك إلى الأمام ولا تلتفت لكل هذا الهراء مفيش نجاح من غير حاقدين".

كما علق المؤلف والفنان الشاب عمرو محمود ياسين قائلا: "أحب أشوف صور اللي بيتريقوا دلوقتي.. مش من 15 ولا عشرين سنة لا.. دلوقتي..! اشوفهم كده وهما بيتريقوا على شاب بنى نفسه بنفسه وعمل اسم وصل به لحدود العالمية.. يا خسارتنا في تفاهتنا وبرافو تامر حسني... برافو".

ولا تخلو التعليقات من الفنانة القديرة عبلة كامل، وقالت: "الإصرار سر النجاح منشور جميل حبيبي تامر أنت قدوة للشباب"، وقالت الفنانة انتصار: "راجل الولد الصغير".

ووجهت المطربة الشابة إيناس عز الدين، لمنتقدي تامر حسني قائلة: "عمر ما كان عيب إن الإنسان يطور نفسه ويحسن من نفسه ومن عيوبه لان ما حدش خالي من العيوب وكلنا فينا بلاوي ما يعلم بيها إلا ربنا وبنحسن من نفسنا سواء معانا فلوس أو لا والناس اللي بتقول إن الفلوس كل حاجة ياما بنشوف ناس معاهم فلوس لكن لا بيعرفوا يلبسوا ولا بيبان عليهم وناس على قد حالهم لكن مهندمين في نفسهم وتشوفهم تقول في بؤهم معلقة دهب.

وأضافت، "مش عيب تبدأ من الصفر وتوصل لمركز مهم وتهتم بنفسك لكن العيب انك ما تشوفش عيوب نفسك وتشغل بالك بعيوب الناس وتتريق عليهم".

واختتمت كلامها: "في النهاية شوف أنت فين واللي بيتريق عليه بقى فين يمكن تفهم ساعتها إن التريقة على مخاليق ربنا مش هتخليك أحسن أو انجح منهم.. هتفضل مثلي الأعلى في الأخلاق والتواضع والنجاح والإرادة والطموح".

ولا تخلو التعليقات من الوسط الرياضي، حيث وجه الإعلامي الرياضي خالد الغندور نصيحة لتامر حسني قائلا: "لا تنظر لهؤلاء ودائمًا انظر انك ناجح وإلى الأمام يا تامر".

وقال اللاعب أحمد جمال: "حقيقة وكلام محترم أنا قبلتك وكانت في موقف لا ينسى رايحين أكتوبر وفجأة الساعة 2 بالليل على المحور عربية سيراتوا راكبة الرصيف الشتاء إللى قبل إللى فات في شهر 12 وأسرة وليل ومش عارفين يعمله أيه وقفنا احنا أول عربية نجيب في طوب نعمله طريق تحت العجل لأن العربية أصبحت متعلقة ومش عارفه تنزل لقينا حد بيشيل في طوب زي زينا وبنبص بعد ما خلصنا ونزلنا العربية لقينا تامر حسني بهدل كل هدومة زينا وأطمئن على الناس وبعدها الناس مش مصدقة إن هو".

وأضاف: "بعد كل ده بنقوله هدومك باظت قال اه أنا كنت رايح أتعشى أنا ومراتي ولكن مينفعش أشوف موقف كدة ومفيش إلا مجموعة صغيرة بتساعد والدنيا ليل ومنزلش بقوله أنا صحفي عاوز أصورك واعمل خبر عن الموقف ده مع إن بتاع رياضة قالي لا معلشي أنا مش مستنى أن الخير إلى بعمله زي زيكم يتنشر في الإعلام ولا حابب كدة وأنا احترمت ده جدًا وعلا في نظري جدًا