أكد مرتضى منصور، رئيس مجلس إدارة نادي الزمالك، أن الدوري المصري يعاني من الظلم التحكيمي هذا الموسم.

وقال مرتضى، في تصريحات لبرنامج العاشرة مساءً على قناة دريم: "أول مرة نسمع أن الحكام بيضربوا على قفاهم بالشلاليط من اللاعيبة والإداريين .. الحكم ليه هيبة لكن هو اللي فقدها بنفسه".

وتابع: "إحنا عاملين مذكرة رسمية في 3 حكام ميحكموش مباريات الزمالك.. البنا وإبراهيم نور الدين على رأسهم".

وأضاف: " محمود طاهر قال أي تجاوز من الحكام احنا مش هنكمل الماتش وده حقوه، وبعدها اتحسب للاهلي ضربتين جزاء غير صحيحة في مباراة الأهلي والاتحاد".

أما عن اتحاد الكرة، فأكد رئيس الزمالك أن أعضاء الاتحاد غير متفرغين للأندية.

وقال منصور: "رضا البلتاجي راجل غلبان ومحترم عايزين يخلصوا عليه لا فاضي للجنة ولا فاضي لينا ده واحد غلبان".

وتابع: "الأستاذ مجدي عبد الغني وخالد لطيف وحازم إمام وسيف زاهر بيشتغلوا مذيعين في الراديو الصبح، ومذيعين في التلفزيون بعد الظهر .. دول أعضاء اتحاد الكرة مش فاضينلنا".

واختتم: "هاني أبو ريدة راجل محترم عضو اتحاد دولي واتحاد أفريقي مبقعدش في مصر يوم، طيب أنا لما أحب أتكلم أنا أو غير نكلم مين".