هاجم الكاتب عمرو ياسين، برنامج "معكم"، الذي تقدمه الإعلامية منى الشاذلي، والمذاع على قناة "cbc" الفضائية، عبر صفحته الرسمية على موقع التواصل الاجتماعي "فيس بوك".

وكتب "ياسين": "برنامج منى الشاذلي بتاعة الـ"cbc" عامل استفتاء أحسن كل حاجة في أي حاجة في 2016، طيب يعني أنا مش هتكلم عن الـ 15 حدوتة اللي أنا قدمتهم.. وحشين يا سيدي.. أنا راجل كاتب جديد ومش مستعجل ومش شايف غني لسه اتحط في مقارنة مع أسماء عملاقة زي أيمن قمر وتامر حبيب وعبد الرحيم كمال".

وتابع: "لكن عندنا نجم وفنان اسمه هاني سلامة، يا برنامج منى الشاذلي مقدم 15 شخصية مختلفة في مسلسل تعبان كده اسمه "نصيبي وقسمتي" بالذمة ما يستحقش يتحط في مسابقة أحسن ممثل؟ انتوا بتفكروا وبتقيموا ازاي؟.. ده المسلسل كان متذاع على قناتكم!! وحقق إعلانات خارج رمضان عمركم ما شفتوا زيها! ايه يا أستاذة منى! ومن وراء الأستاذة منى.. ياريت شوية مصداقية على شوية حرفية".