اشتكت المتصلة "إسراء" للإعلامي أسامة منير، قائلة: "جوزي طول ما هو في البيت مبيعملش حاجة إلا أنه بيمسك موبايله ويلعب على فيس بوك ومبيشوفنيش كأني ست في البيت خالص".

وأضافت المتصلة في اتصال هاتفي لبرنامج "أنا والنجوم وهواك"، المذاع على محطة "نجوم إف إم": "أنا بعد الولادة يادوب وزني زاد 10 أو 15 كيلو"، وقاطعها الإعلامي ساخرًا - ممكن 20 - فضحكت- مضيفة: "جوزي مبقاش يقولي أي كلام حلو زي زمان".

وعلق "منير" على كلام الزوجة قائلًا: "ربنا خلق آدم في الجنة ومحبش يسيبه لوحده، خلق له حواء مخلقش شكري علشان يعيش معاه، الست لازم تكون حلوة في عين جوزها علشان يعرف يقولها كلام حلو ويحس بيها".