دافعت الفنانة الشابة منة فضالي عن المطرب عمرو دياب، بسبب إساءة شيرين عبد الوهاب لـ"الهضبة" بطريقة غير مباشرة في فيديو تداول لها عبر مواقع التواصل الاجتماعي، وذلك خلال حفل الثنائي "عمرو وكندة" في أسوان.

وكتبت "فضالي" عبر صفحتها الرسمية على موقع التواصل الاجتماعي "فيس بوك" قائلة: "طبعًا أنا من عشاق صوت شيرين، لكن مش علشان نجامل أو نطبل لحد نغلط في الناس، والناس اللطيفة اللي بتضحك أوي، وللأسف هما زملاء مهنة، بتضحكوا على إيه حتى لو مش في وعيك، وفي مود تاني عيب عيب أوي أوي".

وتابعت: "عمرو دياب إنتي اتربيتي على أغانيه وكل الجيل اللي في سنك واللي بعدك، راجعي نفسك انتي بتغلطي كتير أوي، متنسيش أن الجمهور له دور قوي في نجاحك، عمر الغلط ما هيفيدك بالعكس هتخسري كتير أوي".

وأضافت: "وبعدين مننساش نفسنا كنتي إيه وقتها وعمرو دياب كان إيه، وبكره السن اللي بتتكلمي عليه حتوصليله بس متعرفيش شكلك هيكون إيه أو صحتك عاملة إزاي، والأعمار بيد الله، خسارة شيرين عبد الوهاب، نزلتي من نظري ونظر كل الناس".

واختتمت كلامها: "للعلم عمرو دياب من أصدقائي اللي أنا بحبهم وبحترمهم واللي أعرفه مهما كبر عمر ما حد من الجيل الجديد حيحقق أو هيوصل للمكانه ولا للنجاح زيه".