أكد الرئيس عبد الفتاح السيسي، خلال كلمته بجلسة مؤتمر الوطنى للشباب المقام بمحافظة أسوان، أن أحد أهم أسباب تراجع قدرات الدولة وخدماتها المقدمة للمواطنين، هو أن الدولة لم تكن تستطيع أن تحصل على المقابل لهذه الخدمة وبالتالى تراجعت.

وأضاف الرئيس السيسى "أنا عاوز دايما واحنا بنتكلم على العطاء نتكلم على إن إحنا مستنيين إيه مقابل من الناس، مهم قوى إن إحنا نوضح ده للرأى العام فى مصر، وأن الخدمة أمامها مقابل، ولو المقابل ده مجاش الخدمة هتدهور وهتنتهى، الخدمة لو ماكنش هايدفع لها المقابل الحقيقى مش الثمن المدعم ده.

وتابع: بنقول بشفافية ومصداقية وبوعى اللى أنت بتتكلم عليه ده تكلفته 4 مليارات دولار تقريبا دول بكام وعلشان المحطة دى تشتغل بكام علشان تقدر تشتغل طول السنة، طيب يا ترى المقابل ده هانقدر نحصل عليه ولو مقدرناش هاندفعه منين؟.

وأشار: "ممكن قوى نتكلم على إننا من 2014 بنتحرك بفاعلية لكن أمانة الكلام معاكم يا مصريين بقولكم إن الحكاية مش كده، الدولة كانت بتقدم خدمة للناس ولا تحصل على المقابل لها فكانت بتدهور، إحنا بنتكلم على مرفق السكة الحديد تقريبا يحتاج 180 مليار جنيه، لاعادة تأهيله ومانقدرش تزود قيمة التذكرة، طيب هذا المرفق سيكون شكله ايه هايبقى القطار شكله عامل إزاى، وإذا لم نحصل على القدر اللى إحنا مخططينه على الأقل من المقابل ده مش هايكون لصالحنا".