حالة من السخرية إنتابت رواد موقع التواصل الإجتماعي "فيسبوك"، على مدار اليومين السابقين، بعد افتتاح "مول مصر" مؤخراً وتحديداً الخميس الماضي، بمدينة السادس من أكتوبر، معبرين عن غضبهم من أسعار رؤية البطاريق، والصور التي أظهرت سلبيات المصريين في المول.

وبعد ساعات قليلة من افتتاح مول مصر، تداول عدد من مستخدمي "فيسبوك" مجموعة من الصور أظهرت المكان شديد الازدحام، وبه العديد من المخلفات والمأكولات الملقاة على الأرض، كما ظهرت الحمامات في وضع "مقزز".

وعلق المستخدمين عن غضبهم من الوضع، واتهموا المستخدمون الزائرين للمول من الشعب المصري، بأنهم السبب في هذه الصورة غير الحضارية، بينما اتهم البعض الآخر المسئولين عن المول لعدم تعيينهم عاملين كافين لخدمة النظافة، مبررين أن التكدس داخل المول من الطبيعي أن يؤدي لذلك.

وعلق عبد الله عنتر قائلاً: "الوضع والصور المنتشرة عن المنظر غير الحضاري عن مول مصر، لإنهم مش موفرين عمال نظافة كافيين في المكان، فده ميديش الحق إننا نبرر موقفنا والغلط علينا إحنا بنسبة أكبر بكتير".

واستكمل: "برضو متستناش حد يلم زبالتك الله يرضى عليك، دا سلوك إسلامي قبل ما يكون ثقافة شعب".

ومن ناحية أخرى علق آخر قائلاً: "المنظر اللي منتشرة عن الوضع اللي وصل ليه مول مصر سلوك غير حضارى.. ناتج من شعب متخلف..أنا اتقرفت آكل ف المكان ومشيت.. امبارح حمامات المول كلها كانت ما بين كلمة صيانة وما بين قذارة السنين.. العدد اللى كان هناك كبير جداً.. والمول مش متجهز إنه يستوعب العدد ده كل.. الفود كورت كانت مليانة على الآخر..فى المقابل مفيش baskets كفاية الناس ترمى فيها باقى الأكل.. جزء من المسئولية على الناس بس برضو المول مش متجهز كويس.. الله يكون في عون البطاريق".

وعلق مصطفى عمار ساخراً من وضع البطاريق في مصر، قائلاً: "تخيل تبقي قاعد في آمان الله لا بيك ولا عليك، واكل شارب عايم.. عايش حياتك زي ما بتحلم واكتر ، في جو تلج أنت بتعشقه مستمتع بهدوء وطبيعة مافيش زيهم.. وفجاءة يجور عليك الزمن وتلاقي نفسك في #مول_مصر والعيال الصغيرة يحدفوك بالشباشب والمؤدب فيهم يعاملك معاملة القرود ويحدفك بفول سوداني وموز ؟!..ده غير نظرات التحرش من جيل تاني مش فاهم حقيقة طبيعتك أنت بتاكل بانيه ولا مشوي ولا ممكن يحصل فيك ايه من العيال المراهقة.. أي ذنب ارتكبته أيها البطريق الصغير؟".

وأضاف شريف عبد الرحمن قائلاً: مين اللي قال إن اللي في الخليج متغربين؟؟!! ..أومال البطاريق اللي سابت القطبين و جايين يشتغلوا في مصر دول إيه".

وقالت ماجي نور: " لقيت حد أتعس منى و أهبل و أغبى منى، و هو بطريق مول مصر، سايب حاله و محتاله في القطب الشمالى و جاى يتهبب هنا فجليد صناعي".

أسعار البطاريق
وبخلاف الوضع المقزز لسلوك زائرين المول من الشعب المصري، كانت أسعار مشاهدة بطاريق الثلج الأزمة الثانية التي فجرها نشطاء فيس بوك، حيث أن سعر مشاهدة البطريق المميز للكبار 850 جنيه، ولقاء البطاريق الحصري500 جنيه، ومشاهدة البطريق العادي 150 جنيه.

وعلق مهاب محمد على تلك الأسعار قائلاً: "بطريق ايه اللى هقابله بـ٨٥٠ جنيه ده لو بطريق ماشى فى الحرام مش هيبقى بالسعر ده".

وسخرت كوثر حاتم، قائلة: إحنا المفروض نسيب شغلنا ونشتغل بطاريق هنكسب أكتر".

وقال محمد كمال: "حضرتك بطريق ايه في مول مصر اللي هقابله بـ850 جنيه!!..ده لو هقابله في شقه مش هقابله بالسعر ده".