كنا عايشين ومرتاحين والدنيا رايقة... قبل 2010 طيب تعالى بقى في الخلاط اللي إحنا عايشين فيه دلوقتي... عايزين نشتغل والدنيا واقفة تعالى نتكلم عن الشباب اللي معاه رأس مال محدود وصعب يعمل مصنع ويشتري معدات ويجهز مكان مصر بعد 2011 إلى 2017 تم إغلاق حوالي 8000 مصنع وتم تسريح العمالة وللآسف راكبين "التوكتوك" دلوقتي يعني الـ man power من الفنيين والمهنيين بدأ يقل بنسبة كبيرة وبعض المصانع بتشتكي من عدم توافر العمالة طيب عايزين نحل القصة دي ؟!
تعالى برأس المال البسيط اللي معاك وانزل على المناطق الصناعية واتفق مع أي مصنع من المصانع اللي قفلت هينفذلك المنتج بتاعك بالمصنعية فقط... يعني بالبلدي بالحتة.. وأنت شطارتك إنك تبيع وتسوق.. وفي نفس الوقت متقوليش مش هعرف أبيع لان مصر فيها 90 مليون مستهلك... الفكرة كلها إنك تحدد المنتجات ذات الاحتياج الأساسي وتبدأ تشتغل عليها هتعمل دراسة مبدأية للمشروع من حيث التكلفة وسعر البيع والربح المتوقع خلال فترة معينة.. وتبدأ تقارن بين الفرص الاستثمارية المتاحة وتختار أفضل فرصة تستثمر فيها فلوسك بالشكل اللي يضمن لك أن مشروعك يكبر وإنك تكسب كويس... ولما الصنايعية ترجع تشتغل تاني في المصانع... ساعتها أنت بتقدم للبلد إنجاز حتى لو بدأت برأس مال بسيط بس محتاج شوية حاجات مهمة وأنت بتبدأ:
1- إنك تدور انك تتعلم بجد إزاي تسوق وتبيع وتحاول تدرس جزء من فنيات النشاط اللي هتبدأ فيه.
2- إنك تصبر وتبقى عارف إنك مش هتكسب تاني يوم.. أنت هتتعب وتشقى عشان تحجز مكان في السوق.
3- تبقى شايف مشروعك بيكبر ومخطط لتطويره قبل ما يبدأ.
4- تبقى عامل حسابك إنك تواجه المتغيرات السوقية اللي ممكن تخليك تضحي بشيء مقابل شيء.
5- متعملش مدير... أنت بتدير فلوسك... اللي أنت عايز تخليها اضعاف... يبقى متستخسرش المجهود لانه ليك أنت.
6- مش عيب انك تغلط وتتعلم.. العيب أنك من أول غلطة تقف وتستلم وفي نفس الوقت متكررش غلطك.
طيب تعالى بقى لاخوانا المحبطين.. اللي الكلام ده مش هيعجبهم وهيحاول يكسر مجاديفك ويقولك البلد فاشلة ومفيش حاجة هتنفع اخوانا السوريين لما وصلوا مصر في وقت قليل جدا كانوا أصحاب السيطرة الكاملة على نشاطات كتيرة منها الأكل والنسيج واشتغل وكسب وعمل فلوس وولاده في مدارس وراكب عربيات وأنت سيادتك قاعد على القهوة اللي يقولك البلد مفيهاش فلوس ومفيهاش شغل حط صوابعك في عنيه... هو مجرد مكسل يتعب شوية مش عايزين نتكلم كلام كبير وباللغة العربية الفصحى وكلام أكاديمي.. اللي قلته ده بنشوفه في عينيا في كل حتة.. مينفعش ننكره.. الا لو أنت مصمم تحمل الغير سبب فشلك ولو مش معاك فلوس... إنك تبدأ مشروع... يكفيك انك تعلم نفسك حاجة تفيدك في شغلك الحالي وتكتسب خبرة... وسيبك بقى من قعدة المكاتب... مش ده اللي تاكل منه عيش وسيبك من شكلك والشياكة والمنظرة وإنك تقول عيب اني أعمل كذا عشان الناس... الناس لما تبقى محتاج محدش هيمد أيده في جيبه ويقولك اتفضل... قررت بقى تمشي وراء شكلك ومظهرك ولا تشقى وتتعب وتسيب بتوع القهوة عالقهوة ؟؟!!!
#أحمد_مختار
تعالى برأس المال البسيط اللي معاك وانزل على المناطق الصناعية واتفق مع أي مصنع من المصانع اللي قفلت هينفذلك المنتج بتاعك بالمصنعية فقط... يعني بالبلدي بالحتة.. وأنت شطارتك إنك تبيع وتسوق.. وفي نفس الوقت متقوليش مش هعرف أبيع لان مصر فيها 90 مليون مستهلك... الفكرة كلها إنك تحدد المنتجات ذات الاحتياج الأساسي وتبدأ تشتغل عليها هتعمل دراسة مبدأية للمشروع من حيث التكلفة وسعر البيع والربح المتوقع خلال فترة معينة.. وتبدأ تقارن بين الفرص الاستثمارية المتاحة وتختار أفضل فرصة تستثمر فيها فلوسك بالشكل اللي يضمن لك أن مشروعك يكبر وإنك تكسب كويس... ولما الصنايعية ترجع تشتغل تاني في المصانع... ساعتها أنت بتقدم للبلد إنجاز حتى لو بدأت برأس مال بسيط بس محتاج شوية حاجات مهمة وأنت بتبدأ:
1- إنك تدور انك تتعلم بجد إزاي تسوق وتبيع وتحاول تدرس جزء من فنيات النشاط اللي هتبدأ فيه.
2- إنك تصبر وتبقى عارف إنك مش هتكسب تاني يوم.. أنت هتتعب وتشقى عشان تحجز مكان في السوق.
3- تبقى شايف مشروعك بيكبر ومخطط لتطويره قبل ما يبدأ.
4- تبقى عامل حسابك إنك تواجه المتغيرات السوقية اللي ممكن تخليك تضحي بشيء مقابل شيء.
5- متعملش مدير... أنت بتدير فلوسك... اللي أنت عايز تخليها اضعاف... يبقى متستخسرش المجهود لانه ليك أنت.
6- مش عيب انك تغلط وتتعلم.. العيب أنك من أول غلطة تقف وتستلم وفي نفس الوقت متكررش غلطك.
طيب تعالى بقى لاخوانا المحبطين.. اللي الكلام ده مش هيعجبهم وهيحاول يكسر مجاديفك ويقولك البلد فاشلة ومفيش حاجة هتنفع اخوانا السوريين لما وصلوا مصر في وقت قليل جدا كانوا أصحاب السيطرة الكاملة على نشاطات كتيرة منها الأكل والنسيج واشتغل وكسب وعمل فلوس وولاده في مدارس وراكب عربيات وأنت سيادتك قاعد على القهوة اللي يقولك البلد مفيهاش فلوس ومفيهاش شغل حط صوابعك في عنيه... هو مجرد مكسل يتعب شوية مش عايزين نتكلم كلام كبير وباللغة العربية الفصحى وكلام أكاديمي.. اللي قلته ده بنشوفه في عينيا في كل حتة.. مينفعش ننكره.. الا لو أنت مصمم تحمل الغير سبب فشلك ولو مش معاك فلوس... إنك تبدأ مشروع... يكفيك انك تعلم نفسك حاجة تفيدك في شغلك الحالي وتكتسب خبرة... وسيبك بقى من قعدة المكاتب... مش ده اللي تاكل منه عيش وسيبك من شكلك والشياكة والمنظرة وإنك تقول عيب اني أعمل كذا عشان الناس... الناس لما تبقى محتاج محدش هيمد أيده في جيبه ويقولك اتفضل... قررت بقى تمشي وراء شكلك ومظهرك ولا تشقى وتتعب وتسيب بتوع القهوة عالقهوة ؟؟!!!
#أحمد_مختار
أخبار تهمك
