السيسي: ضرب القطاع السياحي لـ 6 سنوات أفقدنا الكثير
الخميس 18/يناير/2018 - 10:23 م
الرئيس السيسي حاكية وطن
نهال سيد
طباعة
عقب الرئيس السيسي علي كلمة طارق عامر محافظ البنك المركزي قائلا :" أحنا لما بنقول لكم إن الهدف إسقاط الدولة اعرفوه بيتم إزاي، لما أجي النهاردة أقول اللي بيعمل الضرب لقطاع معين من القطاعات وهو عارف هو بيعمل ايه، لما بيتكلم عن إن فيه دخل 12 و 13 مليار دولار من القطاع السياحي وبحادثة أو حادثتين يتعملوا يقف هذا النشاط يعني الواحد بيصرف بالكتير 5 ملايين يعطل 13 مليار دولار سنويا لمدة ثلاثة سنين، انا بقول كده ليه لان بقول ان فيه استهداف لمصر والاستهداف اللي بيعمله أوعوا تفتكروا ناس بشتغل بشكل عشوائي دي عارفه هما بيعملوا ايه كويس أوي، عارف أن إزاي يضربك عشان يكسرك مش يضربك عشان يوقعك" .
وتابع الرئيس قائلا:" - ضرب القطاع السياحي لمدة 6 سنوات افقدنا اكتر من 80 إلي 100 مليار دولار كانوا يدخلوا الدولة يغطوا كتير من الكلام ده، وأنا أشوف مصادر اخري عشان اعوض هذا الرقم علاوة علي القطاع الكبير اللي بيعمل في هذا القطاع 2 : 3 ملايين وراء منهم 5 ، 6 ، 7 ملايين اسر دول قاعدين تحت ضغط الحياة يقول طيب انت هتعمل لنا ايه، عشان انت لما تسمع كده تخرج وتقوم تهدها ودا المطلوب".
وأكد السيسي : شوفوا انا كل خوفي علي حاجة واحدة بس انها لم تهدم، والكلام اللي بتكلمه الصعب ده ليكم يا مصريين، ان الهدف منه مش عشان ابقي موجود هنا لا والله والله عشان هي تبقي موجوده دايما مصر، ومحدش ابدا يقدر يكسرها، نبقي فهمين نبقي عارفين اللي بيضرب الضربه دي لا دا مش حد بسيط وهو عارف كويس اوي هو بيعمل فيها أيه وهترتب عليها ايه .
وقال السيسي : في كل مكان فيه نشاط سياحي كلنا مش شرطة لا جيش، تبقي عنينا علي هذه القطاعات نحميها بأرواحنا لانها حياتنا وحياة ابنائنا دلوقتي والسنين القادمة.
أخبار تهمك
