من أيام أعلن رئيس الوزراء الإثيوبي "هايلي ميريام ديسالين"، في مؤتمر صحفي مشترك مع نتانياهو، إن "إسرائيل تعمل بجهد كبير في عدد من البلدان الإفريقية، وليس هناك اي سبب لحرمانها من وضع مراقب فى الاتحاد الإفريقي، نريد ان تصبح إسرائيل جزءًا من نظامنا الإفريقي، نأخذ موقفًا مبدئيًا بجعل إسرائيل جزءًا من اتحادنا".

وطبعًا ده تكرار للتعهد الصادر من سبع دول اللى اجتمع معاهم نيتنياهو (كينيا ورواندا وإثيوبيا وجنوب السودان وزامبيا وملاوي وأوغندا).. وبالمناسبة هيقوم نيتنياهو بجولة آخرى فى دول غرب إفريقيا فى شهر سبتمبر القادم للحصول على موافقتها وإنهاء النفوذ المصري للأبد من إفريقيا.

اليوم تعهد نيتنياهو علنا بالتعاون الاقتصادي والأمني "خد بالك من الأمني دى كويس" لإثيوبيا !!.

المعلومات المؤكدة هى بدء تخزين الماء فى سد النهضة من أسبوعين ليتم تخزين 14 مليار متر مكعب من حصتنا قبل 18 أغسطس 2017) وبمشاركة مهندسين إسرائيليين فى شركات ايطالية وصينية (حسب صور الاقمار الصناعية التى بينت زيادة عرض النهر أمام السد ثلاث مرات).

بكل صراحة ما يحدث يمس الكبرياء والكرامة المصرية قبل مصدر الحياة للمصريين ... لم تتجرأ إثيوبيا أبداً (وابسط مثال التصريحات الوقحة لوزير خارجيتها ورئيس وزرائها وتحدى مصر مثل الآن) ... ولم تجرؤ إسرائيل أن تتآمر علينا علنا بهذا الشكل الفج قبل الآن.

قلتم نسكت ونسيب الحكومة تتصرف ... طب يا حكومة آدي السد خلاص أتبنى وبدأوا يخزنوا المياه بتاعتنا ... هنسكت لحد أمتى؟ !! .... بقالكم سنة بتتفاوضوا عشان تحديد المكتب اللى هيحدد الأضرار الواقعة على مصر، ولم تصلوا إلى اي حاجة .... لأنكم تتفاوضون من منطلق الضعيف والخائف .... لا من منطلق القوى الشجاع.

من الأخر.. كما قال الرئيس السادات الله يرحمه "أكرم لنا نموت رجال هناك ولا نموت من العطش هنا" ... وقصف السادات السد قبل كده فلم يفكروا أن يكرروها .... وكما هدد الرئيس مبارك والسيد عمر سليمان، زيناوي، وارتعب منهم .... لن يفهم الأفارقة سوى لغة القوة والكرامة، سيبكم بقى من حكايات الحب والتعاون وكل حجج الضعفاء دى بقى، مصر اكبر وأعظم من ان تكون بهذا الشكل، ومش عاوز حد يدخل يبرر ضعف موقف الحكومة .. هتبرر ايه ؟.

السد خلاص بيخزن المياه ؟ لو مضربش دلوقتي هتتراكم كمية مياه كبيرة أمامه تمنعنا أن نضربه للأبد خوفًا علينا إحنا من الغرق، بل نكون إحنا أول من يحميه .... It is now or never .

دى مش مشكلة داخلية بسيطة يمكن السكوت عنها ... دى مستقبل وحياة وكرامة دولة عريقة اسمها مصر ... لا تعرف حكومتها قدرها للأسف، إحنا الشعب لازم على الأقل نشكل رأى عام ضاغط على الحكومة يمكن أن تستغله الحكومة لصالحها لو ناوية تعمل حاجة.

مش عاوز أصحى على كابوس الاقى السيسي رايح بيشارك فى حفل افتتاح سد النهضة .