مؤتمر الشباب السادس.. السيسي في اسأل الرئيس: "الموضوع مش قوة جيش ولا شرطة.. هي قوة شعب"
الأحد 29/يوليو/2018 - 05:06 م
الرئيس عبد الفتاح السيسي
شروق ايمن
طباعة
قال الرئيس عبد الفتاح السيسي، في جلسة "اسأل الرئيس"، خلال المؤتمر الوطني السادس للشباب، "أنا عايز اسألكوا، اسمحولي هسألكوا وأرد أنا، لكل شعب مصر، هو قبل 30/6 مين اللي استعدى الجيش للتدخل وإنقاذ الدولة، الجيش ولا انتوا"، ليرد الحضور "إحنا ياريس".
وتابع الرئيس السيسي "في نوفمبر 2012، مين اللي استعدى الجيش لإعلان مبادرته عن لقاء القوى السياسية مع الرئيس السابق محمد مرسي في المرحلة دي، انتوا ولا الجيش"، مضيفًا "تم استدعاء أنفسنا لحماية الامن القومي المصري، بفكر نفسي وبفكروا إن لازم يكون دايمًا عندنا ثبات على أهدافنا، طب هل ياترى كان في شكل تآمري للجيش على النظام السابق حتى يسقطه، أقسم بالله أنه لم يكن هناك أي شكل من أشكال التآمر في الوقت دة، قولتلكوا إن اللي انقذ مصر الحق سبحانه وتعالى، الكلام دة كنا بنعمله في إطار أننا لا نتآمر".
وأكد الرئيس: الكلام اللي اتقال عن الشائعات، لو سقطت مصر تسقط المنطقة، ودة كلام كل المنطقة ومدركين لده، أنتوا ممكن تكونوا متصورين الامور مش ممكن توصل لكدة، لا ممكن توصل لو مخدناش بالنا، الموضوع مش قوة جيش ولا قوة شرطة، هي قوة شعب".
الكلمات المفتاحية
