تحتفل الفنانة ديانا كرزون، بذكرى تتويجها بلقب "سوبر ستار العرب" من عام 2003، حيث نشرت فيديو عبر حسابها الشخصي بموقع تبادل الصور والفيديوهات الشهير"إنستجرام".

وعلقت على الفيديو قائلة: مثل هذا اليوم من 15 سنه،توجتوني بمحبتكم بلقب "سوبرستار العرب"، كنت فخوره بحالي اني اخدت هاللقب، فخوره بأول تلفون اجاني من بعد الحفل كان من جلاله الملك عبدالله الثاني، وجلاله الملكه رانيا العبدالله يلي اول كلمه حكالي ياها: "ديانا رفعتي راسنا" صدقًا كنت بطير من الارض اني حققت هالانجاز لبلدي الحبيب الاردن".

وأضافت: وبعدها رجعت فورا لبلدي مارح انسى لحظه وصولي للمطار بوجود ولاد بلدي جنبي، بعدها قابلت جلاله الملك عبدالله، المعظم واعطاني وسام التفوق من الدرجه الاولى يلي منو حسيت بكبر المسؤولية هذا اليوم يلي بلشت فيه مسيرتي الفنيه بلشت تتحقق احلامي واكبر انا والفن مع بعض عطيتوني كتير حب وسعاده وطموح وشجاعه.

مثل هذا اليوم من 15 سنه توجتوني بمحبتكم بلقب "سوبرستار العرب" ، كنت فخوره بحالي اني اخدت هاللقب، فخوره بأول تلفون اجاني من بعد الحفل كان من جلاله الملك عبدالله الثاني وجلاله الملكه رانيا العبدالله يلي اول كلمه حكالي ياها: "ديانا رفعتي راسنا" .. صدقاً كنت بطير من الارض اني حققت هالانجاز لبلدي الحبيب الاردن. وبعدها رجعت فورا لبلدي مارح انسى لحظه وصولي للمطار بوجود ولاد بلدي جنبي، بعدها قابلت جلاله الملك عبدالله المعظم واعطاني وسام التفوق من الدرجه الاولى يلي منو حسيت بكبر المسؤولية هذا اليوم يلي بلشت فيه مسيرتي الفنيه بلشت تتحقق احلامي واكبر انا والفن مع بعض عطيتوني كتير حب وسعاده وطموح وشجاعه، محبتكم الكبيرة خلتني احارب كتير في حياتي، تعبت كتير وانجرحت كتير واحبطت كتير وانظلمت كتير يلي الظلم هو اكثر شي بيجرح مع كل هدا رجعت وقفت على رجليي وتحديت نفسي وتحديت كل شي ممكن يخليني ابعد عن الشي يلي كان بدمي ويلي هو الفن حسيت انو وجودي بالفن كان إلو حكمه اني اكون سند لأهلي لما ظروف حياتنا كانت صعبه كتير. من طفله بعمر ٩ سنوات كانت تشتغل وتغني وتدرس بنفس الوقت لتساند هالعيله البسيطه يلي ما كان حدا بجنبها بس كان رب العالمين يسترها معانا وكانت دعوه من أمي تسوى الدنيا كلها عشان هي كانت العامود الفقري إلي بدعواتها و بإيمانها فيني اني يوم من الايام رح اكون نجمه عربيه وبالفعل يلي كانت تشوفه صار، كانت معي خطوه بخطوه رغم كل الضغط يلي كان عليها اختارت تكون معي وبلشنا هالحلم مع بعض انا بالإصرار على الشي يلي بحبه وهي بدعواتها لي وبلشت معكم بلشت آخد القوه منكم،وقفتكم جنبي طول هذي السنين هي يلي وصلتني اني اكون ديانا كرزون سوبرستار العرب يعجز لساني عن الشكر شكرا قيادتنا الهاشميه شكرا بلدي الاردن واهلي وعزوتي شكرا عائلتي واصحابي شكرا جهوري الحبيب شكرا لكل الاعلام والصحافه شكرا لكل شخص اشتغلت معاه بحبكم 18/8/2003 18/8/2018 #دياناكرزون #ديانا_كرزون #dianakarazon #diana_karazon #سوبر_ستار_العرب

A post shared by diana karazon (@dianakarazonw) on Aug 18, 2018 at 1:25am PDT