قال الفنان أحمد العوضي، خلال حواره مع الإعلامية منى الشاذلى ببرنامج "معكم"، المضاع على قناة "CBC"، أنه كان يرتبط بفتاة عندما كان فى بداية حلم مشواره الفنى، لافتًا إلى أنه فى هذه الفترة كان شديد العصبية بسبب عدم تحقيق حلمه، مشيرا: " كنت شايف ان اللي مايستحملكش في أسوأ حالاتك مايستهلكش في احسن حالاتك".

وأضاف أحمد العوضى: سبنا بعض بعد ما كانت أهم واحدة من حيث التأثير، وكنت عايز انجح عشان أحقق حلمي وماتشمتش فيا"، مشيرا: "لما رجعتلي البنت اللي كنت مرتبط بيها كنت خلاص مَش حاسس بيها، وبالنسبالي علاقة صداقة مَش اكتر".

وأوضح العوضى: " محدش هيحبك أكتر من نفسك، وخلي بالك إن الطرف التاني اللي سابك أو ما كملتوش هيفضل دايما باصصلك.. فلازم تنجح في حياتك وخلي الصدمة قوة دافعة ليك"

يذكر أن الفنان أحمد العوضي انتهى مؤخرًا من تصوير فيلمه "أسوار عالية" أمام الفنانة رانيا يوسف‏،‏ ويؤدى خلاله شخصية ديلر مخدرات، بينما تؤدي رانيا يوسف شخصية مدمنة في إطار اجتماعي يسلط الضوء علي الفوارق الاجتماعية بين الطبقات‏.‏