استعرض الإعلامي عمرو أديب خلال تقديم برنامجه "الحكاية"، المذاع على فضائية "MBC مصر"، قصص نجاح المشروعات الصغيرة والمتوسطة ومتناهية الصغر، مشيراً إلى أن ذلك يعد شئ مشرف جداً.

وأضاف عمرو أديب، أن الدولة تقوم برصد قروض ومليارات الجنيهات لتلك المشاريع، وهناك جهات حكومية كثيرة تعمل على ذلك، ومبادرات من البنوك ومنح دولية، كل ذلك فى سبيل انجاح هذه المنظومة.

وأشار "أديب": الدولة عاملة كل المجهود العظيم ده .. عايزين نوريكو فتح باب رزق ممكن يبقي سهل ازاى .. مش سهل وانت قاعد في بيتكم ولكن ممكن لو عندك فكرة وطموح تاخد فلوس بفايدة قليلة وتبدأ مشروع وتشتغل وتشغل ناس باب رزق جميل .. واللي بيفتح مصنع او مطعم او اى شئ صغير بيشغل معاه ناس".

وتابع: " دول فئة غير فئة المصانع الكبيرة والضخمة .. الصين ودول آسيا تقدمت اقتصاديا بالمشروعات الصغيرة والمتوسطة ومتناهية الصغر".

وأكمل "اديب": " وادي نماذج لناس صنعت .. واحد عمل مصنع مسامير .. واللى عمل مصنع زجاج سيارات، وملابس، ومشغولات يدوية، وسجاد، لعب اطفال، بوردات كهرباء، حلاوة طحينية، زيوت طعام، حاجات للتعبئة، مشغولات ذهبية، مصنع كراتين، اثاث منزلى .. كل ده بيتعمل في مصر وبشبابها".