كشفت يسرا أنها طفلة وحيدة لولديها لهذا كانت مدللة جدًا، وأنها كانت فرحة العيلة، مضيفة : كنت شقية جدًا وعاملة زي الولد، كنت بلعب وبجري وبلعب كورة وبركب عجل".

وأضافت في حوار مع المذيعة  رحمة خالد في برنامج " 8 الصبح " على قناة DMC ، أنها  من داخالها مازلت طفلة، وأنها تحب الاطفال جدًا قائلة : "انا بموت فيهم وبحبهم أوي، كان نفسي يكون عندي أطفال لكن ربنا مكتبليش ولازم أرضى بقضاء ربنا وباللي يكتبهولي ربنا، علشان اللي بيكتبهولي ربنا أحسن من اللي أنا عاوزاه".

وأضافت أن كل الأدوار التي قامت بها كانت تمثل معنى لديها، وأنها تحب كل أفلامها مع الفنان الكبير عادل إمام، والمخرج الراحل يوسف شاهين، والمخرجة إيناس الدغيدي والمخرج محمد عبد العزيز، مؤكدة أن كل فيلم من أفلامها له ذكريات وحدوتة مختلفة لديها.