نحمده والسيسى 

نحمده عبد الرازق أم مصرية لأربع أبناء كرست حياتها بين تربية ابنائها وعملها كسائقة ميكروباص، فكانت أبا وأما لهم، ومن عناء الحياة والسعي ليل نهار من اجل لقمة العيش وفي ليلة وضحاها تحولت نحمده من مجرد سيدة مكافحة الى سيدة يتحدث عنها العالم بسبب لقاءها للرئيس عبدالفتاح السيسي بالصدفة خلال زيارته للعاصمة الإدارية الجديدة الذي ذهب اليها بنفسه واثني عليها وعلى كفاحها.

وقالت نحمده: انا خط السير الرئيسي موقف العاشر ومدينة المستقبل او الشروق وبعد كدة تحولت للعاصمة الإدارية".

وتابعت فى فرحة: فاليوم ده حملت العربية من موقف العاشر ونزلت بيها الموقف لاقيت بسم الله رزق فحملت شباب رايحين معهد مدينة الظباط عشان امتحانات للقوات المسلحة للمتطوعين .. طالعة الكبري بضرب عيني لقيت موكب كبير من العربيات .. فقلت عادي هيعديني امشي وبعدين ربنا يسهل .. ببص لاقيت الرئيس وقف وجاى عليا من المفاجأة قلت له انزل اسلم على حضرتك، قالى لا خليكي مكانك انا مبسوط اوي اني شفتك .. انتي ست بميت راجل بسم الله ماشاء الله سواقة ميكروباص .. قالي شغالة فين قلتلة العاصمة الادراية قالى عندك ولاد قلت له عندي 4 عيال".

واكملت: "قالي مش عايزة حاجة قلتله عايزة حد يتوسط لي في معرض اروح اجيب عربية وادفع قسطها وامضي عليها قالي عيني .. الساعة 2:35 تليفون من وزارة الداخلية، استاذة نحمده معاكي مساعد وزير الداخلية تعالي حالا سيادة الرئيس قال نحمده سعيد متنمش في بيتها غير ومعاها عربيتها الجديدة".