يا بت عيب الفرحة دي إتحشمي
ده عيب عليكي الضحك عيب تتبسمي
دة أبوكي كان فرعون
و أمك أميرة الكون
و إبنك عايش مطحون
و إزاي قولي لي إزاي تتبسمي

عايزين عنيكي الفرحانين لية يحزنوا
عايزين يهدوا الشقيانين اللي بنوا
عايزين ايديكي الدفيانين يوهنوا
كان نفسهم تتشتتي و تتقسمي

و ما يعرفوش كان قبلهم مليون عدو
ضحكة ولادك أمر ليهم يبعدوا
يلا إفرحوا يلا إبتدوا يلا أ سعدوا
و إملوا قلوبكم بالأمل و إتبسمي.