- ياااه.. إنت لسه متجوزتش لحد دلوقتى ؟!.. انا قولت زمانك إتجوزت وعيالك في الحضانه ولا حاجه، متجوزتش ليه كُل ده ؟!.. إحنا سايبين بعض بقالنا تلات سنين !

= مش حابب أتكلم في الموضوع بس هقولك..عارفه لما تاكلى أكله حلوه وتستمتعي بيها ؟!
لما تسمعى أُغنيه حلوه مع المود بتاعك وتتسلطني منها كدة، لما تحصل حاجه قُدامك تُدخل دماغك قوى وتتبسطي منها.. " الكييف " !،
الكيف مش لازم يُكون مخدرات او خمره، الكيف مُمكن يكون ست.

- الست " كيف " إزاى ؟!

= إشباع الغريزه أسهل بكتير من إشباع العقل، لو كُنت عاوز أتجوز أى واحده حلوه من عيله هتجوز من بكرا، المُشكله بالنسبالى مش إنى أتجوز إزاى، المُشكله أتجوز مين ! لو على إشباع الغريزه سهله قوى، أنا كُل ده بدور على واحده تشبع عقلى قبل ما تشبع غريزتي، أهم حاجه عقلى يوصل لمرحلة الكيف معاها، أكنها فنجال قهوه مع سيجاره وأنا بسمع فيروز.