قال الفنان الفنان احمد ادم، ردًا على سؤال الإعلامي وائل الإبراشي خلال تواجده ضيفًا على برنامج "كل يوم" المذاع عبر قناة "on e" والخاص بعدم خروج ادم من عباءة القرموطى، لافتًا إلى أنه ظلم شخصية القرموطي معه، موضحًا أنه قدم نحو 25 فيلمًا منهم ثلاثة افلام للقرموطي "معلش احنا بنتبهدل، القرموطى فى ارض النار، والفليم الذي يعرض حاليًا قرمط بيتقرمط"، بجانب مسلسل "سر الأرض".

واضاف احمد ادم: " انا برجع لشخصية القرموطى بناء على طلب الناس اقسم بالله .. القرموطي بالنسبة لي كان تحدي في أول بطولة.. المنتج قالي عايزين نبدا بالقرموطي قلتله لا انا عندي فيلم ولا فى النية ابقى فلبينية عشان متلزقش فيا شخصية القرموطي.. بعدين عملت شجيع السيما والرجل الأبيض المتوسط وغيرها من الأفلام.. وكل مرة كان بيطلب فيها اعمل القرموطي كنت ببعد واعمل فيلم تاني بشخصية تانية عشان محدش يقول ده لازق فيه معندكش غير القرموطي".

وتابع "ادم": " فيه مقولة لبرنارد شو عندما تم سؤاله ايه اسباب النجاح؟ قل لهم انا معرفش أسباب النجاح أعرف أسباب الفشل قالولوا ايه هي؟.. قالهم محاولة إرضاء كل الناس هي الفشل.. وعشان ده كنت بعاند الناس اللي بتطلب القرموطى واعمل افلام تانية".

واردف: "لسة القرموطي عنده حاجات ومع ذلك خافيها وكل مرة بقدمه فى حالة جديدة.. شارلي تشابلن عمل 12 فيلم كلهم بالطاقية والجزمة ومحدش قاله حاجة.. وعلى الكسار عمل 3 افلام وهو بشخصية عبد الباسط ده مش عيب.. ومستر بين مش بيعمل غير مستر بين.. لوريل وهاردي نفس الشكل ونفس اللبس.. لما توم كروز بيعمل سلسلة مهمة مستحيلة هل هو حصر نفسه فى الشخصية دي؟".