صاغ إحسان عبدالقدوس في فيلم أنا حرة عام 1959، أهمية الاستقلال بالنسبة للفتاة عبر المشهد الذي قدمته الفنانة الراحلة لبنى عبد العزيز.

- أقدر أعرف إنتي ليه عايزة تخشي الجامعة؟
-- عشان أتعلم.
- العلم في الكتب، مش ضروري تخشي الجامعة عشان تتعلمي.
-- محدش يصدق إني تعلمت لو مكانش في إيدي شهادة.
- عايزة شهادة تعملى بيها ايه؟
-- تبقى سلاح فى ايدى استغنى بيها عن الناس.
- حتى انا؟
-- جوزى طول ما هو بيصرف عليا يقدر يذلنى ويفرض عليا ارادته ويعمل اللى هو عايزُه... انا استحملت كتير علشان كنت محتاجة عمتى وجوز عمتى...مقدرش افضل مستحملة طول عمرى علشان محتاجة جوزى.
- الجواز مش اكل عيش يا امينة... الجواز يعنى اتنين بيحبوا بعض وبيثقوا فى بعض وعايزين يعيشوا مع بعض، والراجل مبيصرفش على مراته علشان يذلها ولكن علشان هو محتاجلها زى ما هى محتاجاله ويمكن اكتر... هما الاتنين بيتعاونوا على الحياة...هو بيشتغل بره البيت وهى بتشتغل جوه البيت.
-- بتشتغل فى البيت خدامة... يطردها وقت ما يعوز ويمرمط فيها وقت ما يعجبه... وافرض الحب اللى بتقول عليه ده انتهى تعمل ايه الست...تفضل مستحملة الهم لانها مضطرة تعيش معاه...لأ...
علشان كده لازم يبقى معايا شهادة..مضطرش اقعد فى بيت مش عايزة اقعد فيه وابقى حرة وجوزى يفهم انى زيي زيه.. اقدر استغنى عنه زى ما يقدر يستغنى عنى ويمكن لما يعرف كدة يحترمني ويبقي عليا.
- عمر ما راجل احترم مراته عشان عندها شهادة، الراجل بيحترم مراته لأنها ست محترمة ويبقى عليها لأنه محتاجلها وسعيد بيها لأنها جزء من حياته.
-- وانت خاسس عليك ايه لما اخد شهادة واشتغل واحط فلوسي علي فلوسك ونعيش احسن ما كنا عايشين.
- انتي كمان عايزه تشتغلي؟-
-- وليه لأ؟!
- شغل البيت كفايه علي الست ده عايز وقتها كله.
-- يعني هفضل اكنس وامسح طول النهار والليل.
- كفاية انك تقعدي في انتظار جوزك.. الانتظار بيولد الشوق.. والشوق يولد الحب.. والحب هو السعادة.
-- تسمحلي اقولك انك راجل خيالي.
- وتسمحيلي اقولك انك مش عايزه تتجوزي يمكن مش عاجبك يمكن حاطه عينك علي راجل تاني مين عارف.

اقرأ أيضًا: مشاهد لا تنسى| وحياة اللي خلقني وسواني زينة البنات لأكون مع راجل تتحاكى عنه نسوان الكفر