استعرض الإعلامي عمرو أديب، خلال تقديم حلقة جديدة من برنامجه " الحكاية " مساء اليوم السبت، على قناة ام بي سي مصر، بعض الحيل والأساليب التي تتبعها قناة الجزيرة القطرية للوقيعة واثارة الازمات والفتن داخل الدولة المصرية.

وقال عمرو اديب فى برنامجه: في الجزيرة كنا بنأخد أخبارها بسذاجة وطيبة، بيبقوا شغالين ويجيبوا واحد من واشنطن يقول كلام على الادارة المصرية وعلى الرئيس فأنت تفرح وتقول بص بص واحد دخل نكد عليهم، لا لا انتوا عارفين عرفنا منين لان نفس الشخص بيدخل مرتين، ماهي برضه غبية، الأبعاد دخلوه مرة فى التعديلات الدستورية ومرة في المحاكمات.

وتابع أديب: يا جماعة اصحوا، احنا مش اطفال كون رايك زي منتا عايز تعاطف مع اللي تتعاطف معه كون معارض، بس يخي استخدم عقلك انا بستغرب من الناس المتعلمة المحترمة اللي ممسوحة.. شوية تأمل شوية عقل، الجزيرة طريقتها واحدة نفس الشئ نفس الفيديوهات نفس المظلومية، نفس الكتاب بتاع زينب الغزالي اللي قالت أن الكلاب كانت تجي تقرب مني فتشوف النور بتاع الإيمان بيطلع من عنيا فتصلي ورايا، وطلع فى النهاية أن اللي كاتب الكتاب يوسف ندا.

وأردف عمرو اديب: الافلام هي هي نفس الكلام، يا جماعة افهموا أدركوا اعمل اللي انت عايزو بس فاخر الأمر ياخي افهم، فيه 130 ألف مواطن قاعد متربص لمصر للاسف.