أبكت الفنانة مروة ناجي في الندوة التثقيفية الـ30 بمناسبة يوم الشهيد، جميع الحضور في القاعة بسبب كلمات الأغنية المؤثرة التي غنتها عن قصة حب بنت وجندي من جنود القوات المسلحة استشهد في سيناء.



وتأتي كلمات أغنية "حدوتة" للفنانة مروة ناجي كالآتي:

هحكيلكوا حدوتة كان في بنوتة حبت ولد كان بيحب البلد
كان حلمهم في يوم يكونوا لبعض ويعيشوا ويموتوا في نفس الأرض
ويجيبوا للدنيا ولاد حلوين يبقوا غطاهم في الشتا من البرد
راح الولد بيعمل فيش ويكمل الاوراق عشان الجيش
أحسن رجال أحسن وحوش الهمة يالا بلدكم عايزاكم
سمع السلاح توزيعكوا سيناء ترحيلكوا بكرا ربنا معاكوا
جري يقابلها بالحلاقة الميري ويقولها بحبك أوي استنيني
قالتله روح ربنا وياك أنا ليا مين غيرك أنا مستنياك
راح الولد وجالها خبره في الشاشات
إعلام بلدها قال أنه مات
شاب شعرها وضهرها في ثانية أنحنى البنت دي هي أنا
وأنا جرحي عمره ما ينطفي ناره ومفيش عزا إلا لما يجي تاره
والتار ولاده اللي مجاوش في الدنيا دي ومعرفوهوش
حق الولاد دول لو مجاش ساعتها يبقى مات
وان حقه جيه هعتبره عاش.


وشارك في تقديم الفقرة الفنية في الندوة التثقيفية الـ30، كلًا من الفنان أحمد جمال، المنشد مصطفى عاطف، الفنان محمد فؤاد، مروة ناجي، وذلك لإحياء ذكرى أرواح شهداء القوات المسلحة والشرطة.

وتتضمن الندوة التثقيفية الـ 30، عرض فيلم عن الشهداء بالإضافة إلى تكريم عدد من المصابين وأسر الشهداء، بحضور الرئيس السيسي.

وانعقدت الندوة التثقيفية الـ 30 اليوم، بحضور الرئيس السيسي، ونخبة من رجال الدولة والإعلام بدعوة من الفريق محمد ذكي القائد العام للقوات المسلحة وزير الدفاع والإنتاج الحربي.


اقرأ أيضًا: كلمات أغنية محمد فؤاد "سامحيني ياما" في الندوة التثقيفية الـ30 ليوم الشهيد