ظهر الفنان الكوميدي إسلام إبراهيم في حفلة 11 ، أمس الثلاثاء ، مع الإعلامية سمر يسري عبر فضائية OnE وتحدث عن برنامجه أقوى أم في مصر وعن حياته الفنية والشخصية.

إسلام إبراهيم في حفلة 11: المرأة المصرية جدعة جدًا
وقال إسلام إبراهيم في حفلة 11 :" المرأة المصرية جدعة جدًا ومحدش يتكلم معاها وعلشان كدة عملنا برنامج أقوى أم في مصر ترفه عن نفسها تتبسط أن كانت فازت أو لا واكتر شىء بيسعدني إن الأمهات اللي مش بيفوزوا بيروحوا مبسوطين حسيت إني عملت اللي عليا".

إسلام إبراهيم في حفلة 11: النصيب لسة مجاش
وأضاف إسلام إبراهيم في حفلة 11: "المرأة في حياتي كل حاجة في الدنيا هي أمي وأختي وخالاتي والناس القريبين مني ، والنصيب لسة مجاش بيجي في أي مكان بس أنا مستعد أول ما تظهر المرأة المناسبة هتوكل على الله، وأنا عمري ما اخس علشان حد أنا كدة جميل زي ما أنا، يعني لو حبيت واحدة وقالتلي خس لا انتي تاخديني زي ما أنا، وهاخدها زي ما هي".

وأشارإسلام إبراهيم في حفلة 11:" لو انا اعجبت بيها لا اجرؤ ان اقولها خسي كيلو مش من حقي، اخاف على صحتها بس في حدود، ليه اخد حد بشكل معين واقوله غيره، لما خسيت كان قراري انا محدش فرضه عليا يبقى لازم هو كمان يكون قرارها متدخلش في كدة".

وأوضح إسلام إبراهيم في حفلة 11: " إحنا عندنا ثقافة السخرية من الجسد وأنا مش عايز أبقى جزء منها وفي snl كنا بنعمل 7 سكتشات في كل حلقة في 52 حلقة من حلقات البرنامج عمرنا ما عملنا احنا في الأسمر والتخين والرفيع والطويل والقصير عمرنا ما حد اتريق على التاني مينفعش اعمل حاجات كلها تريقة عن الشكل وبعدها ارجع اقول إحنا عندنا تنمر واعمل اإعلانات عنها ازاي، أنا عمري ما سخرت من شكلي ولا من شكل حد تاني".

اقرأ أيضا: فيديو| مش هتبطل ضحك.. هذه صلة القرابة بين حسن الرداد ونجم SNL بالعربي