تصدرت النجمة أنغام منذ قليل مؤشرات جوجل بعد تصريحها الأخير عن أغنية أكتبلك تعهد في برنامج Karaoke Carpool بالعربي و يرد عليها بهاء الدين محمد مؤلفها .

وقالت النجمة أنغام خلال لقائها في برنامج Karaoke Carpool بالعربي أن أغنية أكتبلك تعهد من البداية لها من الأساس ولم تذهب من قبل إلى أي مطربة أخرى في إشارة منها للفنانة سميرة سعيد التي قالت أن الأغنية ذهبت إليها في الأول .

بعد تصريح النجمة أنغام رد الشاعر بهاء الدين محمد في منشور عبر صفحته الشخصية على موقع التواصل الاجتماعي فيس بوك رافضًا كل ما قالته النجمة أنغام في البرنامج .

وعلق قائلًا: « الفيديو ده إتبعت لى ومع الأسف مضطر أرد بإختصار، أولا سميرة سعيد بتقول الحقيقة وفعلا كانت عندها الأغنية ولكن إختلفنا على لحنها وماكانتش سبب زعلنا خالص ولها كل الإحترام وبعدين سمعتها لأنغام وكتبت أكتر من كوبليه كعادتى وزى ماباعمل مع عمرو دياب مثلا ولكن الملحن الفنان إيهاب عبد الواحد كان ح يسيب الكوبلية اللى سمعتوه ولكن أنغام أصرت إنه يلحنه وقالتلى هو يتعب لأنك كاتب كوبليه هايل وهو ده اللى حصل بالظبط» .

وأضاف بهاء الدين محمد على تصريح أنغام: « وأنا ماحدش بيقولى أكتب إيه ولا مطرب ولا مطربة بيقولى أكتب إيه وإلا كانوا عملوا من غيرى شعراء وكان لازم أوضح لأن كلمات أكتبلك تعهد كانت سبب مهم و أساسى فى نجاح الأغنية مع إحترامى للملحن والمطربة ولكن لن أقبل حد يقول إنه بيشاركنى ف دورى لأن الأغنية دى بالذات غيرت الخريطة والمراكز وأنا شاعر له ٢٥٠٠ أغنية مفيش حد له بصمة فى كلماتى ولا يتدخل فى أفكارى مع إحترامى للجميع» .

وأشار بهاء الدين محمد حول تصريح أنغام: « وشكرا بس غيرتى على موهبتى اللى تعبت فيها سنين لا أقبل التقليل منها لهدف لا أعلمه بس هى مواقف بتعلمنا نكون على حذر . وأسف بس كان لازم أرد . ولو حد بيدينى أفكار ليه ماعملش مع غيرى كده وطلع نفس المستوى، اللى إتقال ده غلط كبير»

اقرأ أيضًا: الفنانة أنغام في الكويت بـ «عيد الفطر»