صورة|«آل الشيخ» يسخر من الأهلي مجددًا بسبب صفقة «السعيد»

السبت 20/أبريل/2019 - 10:31 ص

نسمة عمار

سخر تركي آل الشيخ، مالك نادي بيراميدز السابق ورئيس هيئة الترفيه في المملكة العربية السعودية، من مسؤولي النادي الأهلي برئاسة محمود الخطيب.

وقال تركي عبر حسابه الشخصي على موقع التواصل الاجتماعي«فيسبوك»: «هاحكيلكو حدوته صغيرة، نجم فريق كرة قدم كان سعيد وبيسعد جمهور فريقه انتهى عقده وطلب ١٠ جنيهات راتب عشان يجدد لأن ده آخر عقد ليه وهو لاعب دولي كبير وعاوز يأمن مستقبله يتقال له لا لأن عندنا سقف للرواتب فيروح يدور على مستقبله فيقولوله بمساعدة صديق (مش أنا) ارجع إحنا موافقين ويطلعوه بعد ما يمضي بساعات ويقولوله رجعنا بكلامنا».

وأضاف «وتلف الدنيا وبعدها بشهور يروحو جايبين لاعب مش في المنتخب ويدوله راتب ١٥ جنيه ولاعب ثاني برضو مش في المنتخب وليه سنة على الدكة ويدوله في ٦ شهور ٢٠ جنيه يبقى دي مش إدارة أو سيستم، ده بيزرعوا فجل (طبعا أنا بقصد واحد)».

وتابع الشيخ «تلف الدنيا ويرجع اللاعب اللي كان بيسعد جمهوره ويهزمهم مرتين، ربنا كبير.. آه افتكرت كان خايف إني آخذ منه اللقطة.. سبت ليك اللقطة بس طلعت بدون ألوان.. وعجبي».