غرفة الدور الرابع

واستكمل نصيحة غرفة الدور الرابع اليوم، « مواجهة الصعوبا يعني المناعة النفسية حتى نفهم الصورة أوضح هات كورة بينج بونج و هات كورة تنس، اضغط على الاتنين بصوابعك واحدة هاتطبق والتانية لأ لكن هاتنضغط وترجع لوضعها الأصلي، اخبط الاتنين بعزم ما عندك في أنشف حيطة، واحدة هاتتكسر وتقع والتانية هاترد بقوة في وشك وممكن تخبط فى عينك!».

«عشان كدة في واحد الضغوط بتقوية وواحد تاني بيتكسر، واحد يتعلم النجاح من صموده قدام الف محاولة فشل، وواحد تاني قدام أول تهديد بإنه احتمال يفشل بيقرر ينسحب و يرفع الراية البيضا مستسلم قدام الفشل! فين الفرق وليه ده بيحصل؟».

«في اختلافات جينية ووراثية بين البشر بتحدد درجة حساسيتهم وشعورهم بالألم، قدرتهم على البكاء ودرجة احتمالهم للإحباط، لكن في الحقيقة مش دي كل الحدوتة لكن في عوامل كتير من البيئة والتربية بنمر بيها بتوصلنا للحالة بتاعت دلوقتي سواء كورة بينج بونج هشة أو كورة تنس قوية».

« طب اكتشفت إني كورة بينج بونج بانكسر بسهولة، هل في أمل إني اتغير وابقى كورة تنس متينة؟».

«طبعا، وهو ده محور زيادة المتانة النفسية للشخص اللي مر بضغوط أو أصبح مريض نفسي، مش كفاية إننا نعالجه من الاكتئاب ، لكن المهم إننا نقوي المناعة النفسية عشان ماتحصلش انتكاسة قدام أي تهديد أو خطورة محتملة في المستقبل، هنكمل بكرة ازى نحافظ على مناعتنا النفسيه ».

اقرأ أيضا غرفة الدور الرابع| نصائح جيهان الأصيل: «بلاش نعيش دور الضحية»