كشفت الفنانة "وفاء مكي" في أول ظهور لها بعد غياب سبب رفضها المشاركة في فيلم "ع الزيرو" بطولة "محمد رمضان" و"نيللي كريم" خلال لقائها ببرنامج "كلام الناس" مساء أمس الخميس مع الإعلامية "ياسمين عز" على قناة ".Mbc masr”

السبب الحقيقي وراء الرفض

وضحت الفنانة أن سبب رفضها هو ضعف الأجر المادي مقارنة مع تاريخها الفني، حيث قالت: "كلمني مدير الإنتاج، كان شغلي كله في المطار مع صلاح عبد الله، قولتله ماشي نتكلم، أنا عملت اسم الحمد لله، دلوقتي ظروف الحياة والمادة والأمور محتاجة فلوس، ابني محتاج يتعلم وياكل ويدرس، فلازم أعمل فلوس فمتفقناش ماديا، فاعتذرت وهو كل شيء نصيب في النهاية".

استياء الفنانة تجاه ما حدث للفنان هشام سليم

دخلت "وفاء مكي" في نوبة بكاء شديدة بسبب الفنان الراحل "هشام سليم"، وصرحت: "أنا وهشام سليم قعدنا فترة طويلة وسافرنا مع بعض وعيشنا مع بعض، وأخلاقه جميلة، ومن جواه في حاله، وزعلانة عشان البهدلة اللي حصلت في الآخر، ليه يبهدلوه في آخر أيامه، وإيه اللي حصل عشان يعملوا معاه كده ويتكلموا عن ابنه، دا كان إنسان جدع وخيّر وبيعمل حاجات حلوة محدش كان حاسس بيها".

واستكملت: "الرحمة، الرحمة حلوة قوي، وده موت له حرمته وله هيبته، وده بس اللي حازز فيها، وصلت لمرحلة السوشيال ميديا مليش علاقة بيها خالص، بحس إنها بتضر أكتر ما بتنقع، بتنتهك حرمات الناس، بتتدخل في أدق التفاصيل ومن غير ما حد يعرف حاجة، كل ده عشان يعملوا نسبة مشاهدة، طب وليه؟، حرام، ربنا هيسألك الفلوس دي، أنت تعرف حاجة عن وفاء؟، عشان تتكلم في خصوصياتهم".

أبرز التصريحات خلال اللقاء

أكدت الفنانة خلال اللقاء أنها كانت فتاة أحلام جيل كامل، حيث أشارت: "حصلت حاجات كتيرة، وكان اللي يجيلي تحت البيت، بقيت أخاف، وعلى فكرة هو مش مصري، وكان حد عربي، وياما ناس كبيرة، بدون ذكر أسماء عرضوا عليا الجواز وأسيب الفن، وموافقتش، كنت بحب الفن، وده نصيب ومكتوب، وحاجة عدت".

وعن أجرها في التسعينات: "كنت باخد أعلى أجر في التسعينات، وكنت دائما أعلى نسبة بيع وتوزيع في المجلات والجرائد".

سبب زيادة وزنها

وكان رد "وفاء مكي" عن سبب وزنها هو إصابتها بفيروس كورونا، قائلة: "سبب زيادة وزني أني أصيبت بكورونا وحصلت على عقاقير تحتوي على كورتيزون، وهذا خطأ وتسببت في زيادة وزني، ورفعت لي السكر لـ750، والعودة لوزني الطبيعي كان من الصعب".

ويذكر أن أخر عمل شاركت فيه الفنانة مسلسل "الكابوس" بطولة الفنانة "غادة عبد الرازق" عام 2015.