أستضافت الفنانة أنغام المطرب بهاء سلطان أمس الخميس في برنامجها "أنغام" المذاع على قناة "دي ام سي"، ليتحدث عن أعماله الفنية ويدلي بحقائق لأول مرة، بالإضافة إلى ما تعرض له من صعوبات خلال الفترة الماضية.

بدايات أكتشافه كمطرب

تحدث بهاء سلطان عن أكتشافه كمطرب قائلًا :" أخت الفنان حسام حسنى كانت زميلتنا في الكلية، فى مرة قالتلي مش عايز تغني، كان أخوها عامل فريق كورال، رحت قعدت معاه، واختارني، وابتدينا نسجل حاجات في الأستوديو"، وتابع :"بعدها مصطفى كامل سمع صوتي وأخد معاد من نصر محروس، والحكاية بدات من هنا".

وعبرت أنغام عم حبها الشديد لبهاء سلطان خلال الحلقة معلقة :"أنا من جمهورك، وأنت من الأصوات المفضلة لي بدون مجاملة بسمعك وبعيد الغنى عشان حلاوة المغني"، ايرد عليها قائلًا :"ليا الشرف، دا كتير عليا".

الأصوات المفضلة لـبهاء سلطان

وأضاف :" الـ7 سنين اللي فاتوا قبل ما أخرج من الأزمة اللي أثرت عليا دي، كنت بسمع الشيخ محمد عمران وموسيقى تركي، يعني بحب أسمع الحاجات اللي أنا مبفهماش بس بتبقى ممتعة، وبسمع حاجات كتير مبستوعبهاش بس حلوة، أول حاجة سمعتها للشيخ محمد عمران مع عم عبده داغر".

وأستكمل حديثه :"قبل كده كنت بسمع زي أي حد، ساعات أم كلثوم، عبدالوهاب، مكنتش مركز على حد معين، أخويا الكبير كان مرة قالي أسمع الراجل ده، أنت صوتك فيه شوية منه، عم عبده الاسكندراني، بعد كده الثانوية جبت مجموعة عجيب شوية، 58%، قالي لو منك هقدم تربية موسيقية، فجات معايا الحكاية دي".