عبرت الإعلامية دعاء فاروق، عن استيائها من انتقادات الجمهور لها بسبب ملابسها وأنها منذ بداية ارتدتها الحجاب وهي تحاول في الحفاظ عليه ولكن لكل مكان "استايل".

اقرأ أيضًا: هنا الزاهد للجمهور عقب تعرضها لوعكة صحية: "أنا مش بدلع"

قالت “فاروق” عبر حسابها الرسمي على موقع التواصل الاجتماعي “فيسبوك”: “تعودت منذ بداية حجابي على تغيير ستايل لبسي في كل مكان بشكل يناسب المكان، أرتدي في العمرة ورمضان والمساجد والصلوات عبايات، أرتدي في النادي مع الأولاد (تريننج سوت).

أضافت: "أرتدي في البرنامج تايورات وكارديجان وجاكتات، وبدل وفساتين وأشكال مختلفة من الستايلات، أرتدي في الأفراح فساتين سواريه أو بدل سواريه، أرتدي على البحر بوركيني وعليه كاش شيفون واسع وساعات أحب ألبس فساتين واسعة على البحر، أرتدي في البيت بيجامة وحينما أفتح الباب للأغراب البس إسدال عليها لا أخرج بالإسدال ولا أرتدي عبايات طوال الوقت”.

تابعت:“أجد راحة في ارتداء ما يناسبني ويناسب المكان ألبس اللي يريحني ويناسبني ولا أفرضه على أحد، ما الذى يدفع البعض للدخول فيا شمال طول الوقت بسبب لبسي؟! أنا عايشة عمري كله بلبس كده عادي هو أنا عجبة؟ يعني اللي بقوله ده تصنيفه الهدوم دى عجبة؟ مش الناس بتلبس كده ولا أنا هبطت من كوكب المريخ بقرون وديل ولابسة أفاتار عشان كل صورة أنزلها خاصة بالشغل والعارضين اللي بعرض لهم تصميماتهم لازم أتقطم بكلمتين من بتوع بتتغيري وبتنزلي وبتطلعي وحجابك بيقل وشكلك ومنظرك".

استكملت: “صلوا على النبي يا جماعة واستغفروا الاستغفار بيجلب الرزق والله، جربوه كده كل ما اضايقك بسن نملة الدبانة أو صابع رجلي أو طرطوفة ودني استغفري علي طول والله أبرك من مليون تعليق، ربنا هيرزقك والله من وسع وهيفتحها عليكي (استغفروا ربكم إنه كان غفارا)، أستغفر الله العظيم من كل ذنب عظيم، ربنا يرزقنا ويرزقكم من وسع يا رب”.