اقرأ أيضًا: زينة: "ولادي عاوزين يعملوا إعلان مع محمد صلاح"

أبدت سميرة عن رأيها في السينما، قائلة: "أنا مبحضرش سينما أوي دلوقتي، ولكن بتفرج على الافلام الأبيض وأسود، لأن في أعمال مش ممكن يتعمل زيها تاني، وببقى سعيدة وأنا بتفرج على نادية لطفي وسعاد حسني وفاتن حمامة وشادية وناس كتير".

أضافت: "ممكن أتفرج على أفلام زي أفلام كريم عبد العزيز وأحمد عز، مجموعة أفلام كسرت الدنيا، حلو أننا نعمل حاجات عن بلدنا وبحيي كل القائمين عليها، بالنسبالي السينما نفسي أشوفها كده".

ووجهت خلال اللقاء رسالة شكر للرئيس السيسي معلقة: "أنا بحيي سيادة الرئيس وبقولوا كل سنة وهو طيب وربنا يخليه لينا، لأنه عمل مصر بهذا الشكل، وعاوزة الصورة دي تطلع للناس والعالم كله".

وتابعت: "أنا مستعدة أعمل أي حاجة للسينما وبلا مقابل، أنا مش مستنيه أعمل حاجة عشان أخد فلوس، وأنا بعمل حاجة عشان بلدي ووطني، وبحب مصر".

أشهر أعمال سميرة أحمد
والجدير بالذكر شاركت سميرة أحمد في الكثير من الأعمال أهمها: "امرأة من زمن الحب، اغفر لي خطيئتي، امرأة في عابدين، جدار القلب، غدًا تتفتح الزهور، ماما في القسم" وغيرها.