اطلقت ندوة للفنانة سوسن بدر اليوم، ضمن فعاليات مهرجان شرم الشيخ الدولي للمسرح الشبابي، والذي يقام في مدينة شرم الشيخ، تحت رعاية وزارة الثقافة.

وتحدثت سوسن بدر خلال الندوة عن التحاقها بالفن وصعوبة الوصول إليه قائلة: "كنت عاوزة أمثل ومكنتش شايفة نفسي غير ممثلة، وبعد مناقشات مع أهلي قررت أدخل أى كلية ودخلت كلية العلوم، وللأسف ملقتش نفسي فيها، وبعد إنتهائي منها التحقت بالمعهد".

وأضافت: "ودخلت المعهد وعملت أختبارات ونجحت، وكل ده والدي مكنش يعرف، وبدأت أقدم أعمال في التليفزيون وبعدها عرف وأتصدم لأني كدبت عليه، قاطعني فترة ولكن بعد نجاحي في المجال بدأ يستسلم".

وأشارت "بدر" إلى دورها في مسلسل "أم الدنيا" معلقة: " من أحب وأهم الأعمال اللي تقدم في كل المنطقة العربية، وفي ظل التطور الحضاري والإلكتروني الكبير وهذا العالم الغريب، لما اتعرض عليا المشروع حبيته جدًا، وقدمناه على منصة واتش ات".

رسالة ميدو عادل لـسوسن بدر

وخلال الندوة حرص الفنان ميدو عادل على توجيه رسالة لسوسن بدر وقال: " ربنا طبطب عليا، إن اسمي يتكتب جنب الأيقونة سوسن بدر بمهرجان شرم الشيخ، وكنت بتمنى إني أقف جنبها في يوم من الأيام".

"وتابع: "سوسن بدر في اللوكيشن هي أم وأخت وحبيبة، وما زالت من أهم فتيات أحلامي، وأحلام ناس كتير، إزاي قادرة تحافظي على قمة النجومية والإبداع، لأن المبدعين قليلين، ولسه جواكي هاوية، وبنشوفك في اللوكيشن  وكأنك فتاة لسه هاوية زينا وبنراقبك من بعيد وانتي بتذاكري، ووجودك بينا، بيدينا أمل".