ديكورات بألوان مبهجة وروائح ذكية، مع تدقيق النظر ستجدها عبارة عن شموع صنعت بأنامل مصرية، وما جعلها مميزة اختلاف أشكالها بالإضافة لكونها مصنوعة من خامات ومواد صديقة للبيئة، وبداية المشروع كانت مجرد فضول لمعرفة كيف يصنع الشمع إلى أن تحول لشغف ومشروع.


بداية المشروع
شذا محمد صاحبة الـ 23 عاما وريم كمال 24 سنة صديقتين من محافظة الإسكندرية، الأولى خريجة فنون جميلة قسم عمارة والأخيرة خريجة علوم قسم كمبيوتر، وتروي شذا تفاصيل بداية المشروع لـ بوابة المواطن قائلة:" ليه الشموع تحديدا لأننا بنحب الشمع جدا وكان عندنا فضول نعرف بيتعمل إزاي، وكمان بنحب الحاجات الهاند ميد، وحسينا أكتر حاجة ممكن نبدع فيها هي الشمع".


شموع على أشكال حلويات

حرصت كلا من شذا وريم على صنع الشموع بأشكال مختلفة، فمنها على هيئة حلويات، لتستعمل كديكور وليست مجرد شموع فقط، وبدأتا في تجربة أنواع مختلفة من الخامات لاختيار الأفضل، وتابعت شذا حديثها قائلة:"و بدأنا نجرب ونعمل حاجات تتحط كديكور كمان للى مش عايز يولعها وكدا كل الناس بتروح ناحيه الشمع يكون سطحة مستوى خالص بس روحنا ان عادى يكون فى شكل شبه بتاعه البحر بنلعب فى الشمع لحد ما يكون أشكال موجه وبجر".

أشكال مختلفة من التغليف

لم يقتصر الاهتمام بكيفية صنع الشمع فقط بل حتى التغليف، أرادت كل من ريم وشذا استعمال خامات هاند ميد، وطباعة الاسم على الأكياس بواسطة ختامة مصنوع بالأيدي، ليكون المشروع بكامله مصنوع يدويا، ويتم تغيير الغلاف حسب المناسبة، فلو كانت مقدمة كهدية يتم إضافة ظرف وجواب وطوابع وكأنها من زمن الخمسينيات.


وبداية تعلمهم صناعة الشموع كانت من خلال مشاهدة مقاطع فيديو على قنوات اليوتيوب المختلفة، وأضافت شذا:"و بدأنا نجرب واحدة واحدة طبعا، كنا فى الاول بنلاقى عيوب بس بندور ونسأل لحد ما نعالج العيبو حاولنا نهتم بكل التفاصيل الصغيره عشان دي اللى بتفرق منتج من منتج".


أسعار الشموع

وفيما يخص الأسعار قالت شذا أنه يشبه إلى حد كبير سعر السوق، لأن الشمع مصنوع من مواد طبيعية غير ضارة على الإنسان أو البئية أو الحيوانات الأليفة، وهي عبارة عن شمع صويا ويوجد منه نوعين وشمع نخيل، وإلى الآن لا يزال التسويق للمشروع "أونلاين"، لكنهن يفكرن بإنشاء "store" خاص بالشموع في القريب العاجل.