كشفت المطربة حنان عن أصعب قرار اتخذته في حياتها، وهو قرار الزواج والسفر إلى ألمانيا.

وقالت حنان خلال استضافتها مع الإعلامية لميس الحديدي في برنامج "كلمة أخيرة"، المذاع على قناة "اون": " أصعب قرار في حياتي إني تزوجت وسافرت ألمانيا، ما كنش قرار لذيذ من البداية".

وأضافت: " تحسي إنك اتحطيتي في موقف كان صعب عليا، ألمانيا مش بلد لذيذة خالص، وناس جداد وحياة جدًا، وأنا كنت خارجة وقتها من حاجة لازم أخد ريست، وكمان وقتها سبت الغناء وكانت أقسى مرحلة في حياتي".

وأستكملت: "كنت ساكنه جنب نهر في ألمانيا، وكنت بنزل أتكلم مع البجع وأبكي، لأني مش عارفه أرجع في قراري ومش عارفه أكمل منين، بس مقدرش أنكر إني استفدت كتير جدًا من ألمانيا بعد كدا".

وتابعت: "أبني وقتها كان داخل مرحلة خطر فكان لازم أكون جنبه وبنتي كانت لسه صغيرة أوي، أكتشفت بعد كدا إن أولادي كانوا محتاجني، وإن والدتي كانت محتجاني، وأنا كنت محتاجه أوقف حاجات كتير".

وردًا على سؤال إحترافها للتمثيل قالت: " كإحتراف صعب ومستحيل الساحة مليئة بالأصوات الرائعة وبيحتاجوا يعافروا كتير عشان يوصلوا لان المنافسة صعبة، والغناء بالنسبة لي هواية وليس إحتراف والمنافسة دلوقتي صعبة".

والجدير بالذكر أن أشهر أغاني حنان هي "زي زمان، تستاهل، الشمس الجريئة، لو تأمر قلبي، زي زمان بحبك، رايقين، بين نارين، كان زمان"وغيرها من الأغاني.