شهدت واقعة قتل الصحفي محمود الجماس بجريدة الفجر تفاعل كبير من رواد السوشيال ميديا، والذي أظهروا تعاطفًا مع الضحية وطالبوا بإعدام عمه، حيث ذكر أصدقائه بأن عمه قام بقتله من أجل أن يستولى على ورثه.

ونشر كريم شعبان صديق المجني عليه منشورًا عبر موقع التواصل الاجتماعي "فيسبوك" وقال: من فترة دخل علينا شاب جميل اسمه محمود الجماس فى موقع جريدة الفجر، كان جاي يشتغل فى قسم الحوادث، كان في منتهى الأدب والخلق والتواضع".

وأضاف: " كان عنده حلم بيسعى ليه، كل اللي يشوفه يشوف الحلم فى عينه، وكنا دايما بنحب نهزر ونضحك معاه.. انهارده بس للأسف مات محمود، مات عشان عنده عم جشع كان عايز ياخد ورث أبوه".

وتابع: والد محمود كان حاسس بإن أخوه مش هيسيب ابنه فى حاله وهيكون سبب فى موته لأنه الابن الوحيد وهو عايز ياخد ورثه لأولاده، وقاله بالنص: "مش هفرحك بابنك" وفعلا ده حصل.

واختتم: محمود نزل يساعد والده فى الأرض "اللي عم محمود عايز ياخدها بعد ما دخلت كردون مباني"، لقى عمه وأولاده منتظرينه، ومسكوه لغاية ما ضربوه وجاله نزيف داخلي ودخل الرعاية المركزة، والنهارده محمود مات.

وقالت شقيقة المجني عليه "فيروز": محمود كان يستعد لشراء شقة بالقاهرة ووالده، أراد بيع قيراط أرض لمساعدته لكن عمه رفض كما رفض شراء القيراط وقام هو ونجله بالتعدي عليه بشومة أسفرت عن نزيف داخلي دخل على إثره في غيبوبة لمدة شهر ونصف.