لقاء الخميسي لمتابعيها: سيبونا في حالنا بقى كفاية تسالي على الفنانين
الإثنين 16/يناير/2023 - 10:49 م
لقاء الخميسي
سمر عبد المحسن
طباعة
لقاء الخميسي
وجهت الفنانة لقاء الخميسي كلمة إلى متابعيها لآرائهم ونقدهم وتجاوزهم على النجوم "كفاية تسالي علي الفنانين أحنا عايشين علي الفن.
وقالت لقاء عبر مقطع فيديو نشرته على صفحتها الرسمية عبر موقع تبادل الصور والفيديوهات القصيرة" إنستجرام" قائله: رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين أو يصمت مبتحبش متقولش ممكن نختلف في الآراء لكن لازم نتعلم إزاي نحترم الاختلاف.
وعبرت عن استيائها قائلة:" ياريت نبطل نهين بعض ونرفض أفكار بعض كل واحد زي ما تربى وكل واحد وثقافته وكل شخص ليه تفاصيله معتقداته وأفكاره وثقافته فلازم نحترم بعض على قد ما نقدر ولا يصح أن أهاجم حضرتك، دي حاجة بقت تزهق بصراحة"
وواصلت: " الممثل عنده نفس التفاصيل اللي بتمر بيها أزمات نفسية ومادية وعائلية ومشاكل ومنحبش نوريكوا مشاكلنا احنا موجودين في الدنيا علشان خاطر نبسطكم ونفرحكم ونقدملكم محتوى يغير مودك كفاية تسالي على الفنانين.
وطلبت لقاء الخميسي من متابعيها: " إحنا بنيجي على نفسنا علشان نبسطكم وبنحب شغلتنا وبنحبكم، فرجاء حبونا شوية وادونا هوا وشوفونا بني آدمين طبيعين عندنا مشاكل وصدقوني مفيش حد في العالم معندوش مشاكل كل واحد ربنا بيديله على قد قدراته الرحمة حلوة يا جماعة.
وفي سياق متصل انتقدت الفنانة لقاء الخميسي عبر صفحتها الشخصية على موقع تبادل التغريدات الشهير "تويتر" تعليقات لمستخدمي مواقع التواصل الاجتماعي على جنازة نجل سلطان الطرب وديع جورج وسوف وعلقت على نقدهم لعادات وتقاليد عائلة جورج وسوف قائلة:"الحمد الله على نعمة الإسلام تقولها وأنت بتصلي ل ربنا أو لنفسك أو في وسط عيلتك مش تدخل تسَخف من عادات الناس وتقاليدهم وتتريق وتنهي كلامك بالحمد على نعمة الإسلام بقصد السخرية منه ومن عقيدته أنت بتنتفض لدينك احترم بقى الآخر ودينه".
