نشر إبراهيم فايق المذيع بقنوات أون تايم سبورتس فيديو عبر صفحته الرسمية منذ قليل ردًا على تصريحات مرتضى منصور رئيس نادي الزمالك بالأمس والذي هاجمه فيها الأخير وذكر والدته الراحلة بعبارات مسيئة.

وبدأ فايق الفيديو المنشور على صفحته ردًا على تصريحات مرتضى منصور قائلًا: "الحمد لله الواحد طالع من بيت متربي، أبويا شقي أوي على تربيتي، وأمي الله يرحمها زرعت فينا حاجات كتير جدًا جدًا مازلت عايش بيها وعليها حتى بعد وفاتها".

ووصف المذيع بقنوات أون تايم سبورتس رئيس نادي الزمالك بالحشرة قائلًا: "ناس كتير بتفهم إن المحترم مالوش نصيب في الدنيا، المحترم يتاكل حقه، بس ده مش حقيقي، المحترم ممكن في أي وقت يرد على أي حشرة تغلط فيه".

وأكمل مُقدم برنامج جمهور الثالثة حديثه: "ناس كتير مستاءة من اللي بيحصل، مش عشان إبراهيم أو عشان سيرة والدتي اللي يرحمها اللي اتجابت، لكن عشان الأمر زاد عن الحد ووصل إلى ما لا يطيقه بشر".

وواصل فايق هجومه قائلًا: "ناس كتير طلبت مني وقالتلي متردش لإن الشخص ده معروف إنه بذيء اللسان، فأيه الجديد يعني؟، ما هو بيتكلم كل يوم ومسابش حد كبير أو صغير مشتموش".

واستكمل حديثه في نهاية الجزء الأول قائلًا: "ناس تانية تقولك الصمت لغة العظماء، وناس غيرها تقولك لا تصارع خنزيرًا في الوحل فتتسخ، وناس تالتة تقولك وإذا جاءتك مذمتي من ناقص، بس للأسف الكلام ده مبياكلش معايا بصراحة".

وقال إبراهيم فايق مختتمًا: "أنا بفهم حاجة واحدة بس، أنا هعيش مرة واحدة بس، هعيشها مرفوع الراس ودكر على أي حد، ولا عمري هعرف أغير نفسي ولا عمري هتغير".