بعد وصوله القاهرة.. ممدوح حمزة: «قالوا لي مصر فاتحة دراعاتها لأبنائها المخلصين»
الإثنين 13/فبراير/2023 - 02:17 ص
المهندس ممدوح حمزة
محمود حربي
طباعة
أعرب المهندس ممدوح حمزة، عن سعادته بوصوله إلى مطار القاهرة وعودته إلى بيته سالماً، موجهاً الشكر لترحيب القيادات بعودته، وكل أبناء البلد المخلصين.
وروى ممدوح حمزة قصة عودته إلى مصر، في بث مباشر عبر حسابه على «فيسبوك» قائلاً: «وصلت مكار القاهرة، ونزلت من الطيارة، لقيت راجل كبير ضخم بيقول لي: حمد لله على السلامة، ومعاه رجالة كتير، فسألته، حضرتك مين؟ قال أنا العميد فلان».
ممدوح حمزة يتحدث عن استقباله في مطار القاهرة
وأضاف ممدوح حمزة:« لما سمعت رتبته، قولت كدة جايين ياخدوني من الطيارة للحبس، وكان معايا شنطتين، ساعدوني في شنطة واصطحبوني في سكة، وقالوا لي إن دكتور أسامة الغزالي منتظرك».
وتابع: «دخلت في صالة، اللي كنت بدخلها زمان بـ500 جنيه، قابلت واحد لواء قال لي مصر بترحب بأولادها المخلصين، وفاتحة دراعاتها لأبناءها، علشان يرجعوا بلدهم وتستفيد من خبراتهم».
واستكمل: «إذا كان فعلاً الاتجاه الحالي للدولة، إنها ترحب بأبنائها المخلصين فاحنا ماشيين صح، وفيه مخلصين كتير قابلتهم برة ومخلصين في السجون، لكن مبسوط إن دي الخطوة الأولى، وأنا متفائل لأني جيت وأنا مش عارف هياخدوني ولا يسيبوني لحد نا قابلت الدكتور أسامة الغزالي ودخلنا الصالة».
واختتم ممدوح حمزة: «كل اللي فهمته، إن هناك انفراجة، مش ليا أنا بس دي لكل أبناء مصر المخلصين، وأنا بشكر كل الناس الخايفين عليا، وبطمنكم وأنا متجه للبيت وكل سنة وأنتم طيبين».
الكلمات المفتاحية
