مشهد مؤلم في حادث مقتل 7 أفراد من أسرة واحدة
الخميس 09/مارس/2023 - 11:17 م
مقتل 7 أفراد من أسرة واحدة بالإسكندرية
حازم عبد الفتاح
طباعة
شهدت محافظة الإسكندرية مساء يوم الثلاثاء الماضي، جريمة مروعة بعد إقدام شخص على إطلاق النار في وجه زوجته وأهلها، ما أدى إلى مقتل 7 من أسرة واحدة، وإصابة الثامن.
وفي هذا الصدد، يروي شقيق القتيل لـ«بوابة المواطن»، تفاصيل أخرى عن حادث مقتل 7 من أسرة واحدة، فبعد الانتهاء من إجراءات النيابة العامة للمعاينة، وضعوا الجثث في أكياس وذهبوا بهم إلى المستشفى، مضيفاً: "لقيت الـ3 أطفال متعبيين في أكياس، والأربعة التانيين واللي هما أخويا ومراته وابنه وبنته نازلين في أكياس، وقولت لوكيل النيابة أنا عاوز أبص عليهم، فقالي هخليك أنت اللي تنزلهم بإيدك".
مشاهد مؤلمة من حادث مقتل 7 من أسرة واحدة
وتابع: "وبفتح الكيس وأنا قاعد في الإسعاف لقيت أخويا واخد طلقة في زوره وطلقة في دماغه، أنا فتحت الرأس بس كمان مشوفتش بقية جسمه، وأحمد ابن أخويا غرقان في دمه عمال ينزل دم في الإسعاف مستحملتش إني أشوف ابن أخويا ووشه كله دم"، وذهب سيد ومعه جثامين عائلته في الإسعاف إلى مستشفى أبو قير، والأطفال ذهبوا بهم إلى مستشفى رأس التيه، مستكملاً: "سمعنا وكيل النيابة واحنا برة بيقول الطلقات السودة ديه خليها وحدها، والطلقات التانية لوحدها".
واستكمل: "ابن أخويا مضروب بتاع 16 طلقة، وأخويا مضروب بتاع 6 طلقات، ومراة أخويا لقيناها متفرتكة، والبنت الصغيرة اللي عندها سنتين لقينا الطلقة معدية من عنيها للناحية التانية، وكل عيل واخدله بتاع 3 أربع طلقات".
الكلمات المفتاحية
موضوعات متعلقة
أخبار تهمك
