صرحت الفنانة ميس حمدان عن أسباب تخوفها من الإنجاب، وذلك بسبب تعرضها لمواقف كثيرة مؤذية في حياتها، وكشفت عن ذلك خلال لقائها ببرنامج vip، التي تقدمه الإعلامية أميرة بدر، المذاع على قناة هي.

تصريحات ميس حمدان في برنامج vip

كشفت ميس حمدان عن أسباب تخوفها من خطوة الإنجاب، وذلك خلال لقاء لها قائلة: "انا حنينة أوي وبحب الأطفال أوي، بس بخاف أبقى ظالمة أو أجيب عيل للغابة اللي عايشين فيها دي، الحياة صعبة ووحشة أوي، فيها إحباطات كتير ومكنتش فاهمة أنها كده، هي دار ابتلاء، إنتي لو مؤمنة بالله وأن في آخره هتعرفي أن الدنيا متاع مش علشان تاخدي فيها اللي إنتي عايزاه، ولكنها مرحلة هنعدي بيها".

وتابعت ميس حمدان حديثها خلال اللقاء: "الحياة صعبة لأننا بنكون عايزين حاجات كتير ومش بناخدها، وفي حاجة من الحاجات اللي كان عندي رغبة كبيرة فيها ولكن دلوقتي بقى عندي حالة من السكينة هي نجاحي في شغلي، ولكن من كام سنة أثر عليا في نفسيتي كتير، وعلاقات حب لا تكمل، والناس بقت صعبة ووحشة، والحيا ة بتخلينا لازم نطلع الوحش اللي جوانا عشان نحمي نفسنا، بقى عندنا حالة من الجشع بشعة ومفيش حد بيحب الخير لحد".