وبدأت بسمة وهبة ، سؤالها عن استعداد فؤاد ، للحلقة ليرد: «يعني إيه جاهز أنا جاي وعمال أقرأ في قرآن عشان ربنا يهديكي، اللي قدامكم دي أونطة وأنا عارف نقطة ضعفها»، ليطلب فؤاد من أحد المتواجدين بفريق العمل بتشغيل موسيقى أغنيته «طمني عليك»، لتتأثر بسمة بالأغنية وظهرت وهي تترجاه أن يتوقف عن استكمال الأغنية، لتدخل بعدها في نوبة بكاء وتترك الاستديو.

بسمة وهبة تدخل في نوبة بكاء بسبب محمد فؤاد

وبعد الفاصل قالت الإعلامية بسمة وهبة إنها تتأثر بشكل كبير بهذه الأغنية لأنها تتذكر أبنائها المتواجدين خارج مصر، قائلة: «انت عارف إن الأغنية دي بفتكر بيها ولادي اللي مسافرين وبتدغدغني»، .

بسمة وهبه تردد علي الجمهور بعد حلقة محمد فؤاد

وظهرت بسمة وهبة، خلال مقطع فيديو نشرته على حسابها الشخصي موقع تبادل الصور والفيديوهات "إنستجرام": "مش مسامحاك يا محمد يا فؤاد، ولا مسامحة كل واحد تآمر معاك عارف نقطة ضعفي.. وبعدين باقول للمشاهدين، إنه أغنية ممكن تكسر البني آدم، وتحسسه بحزن شديد".

واستكملت : «الأغنية دي تجعلني أشعر بالضعف وكسرة القلب، وأنا بعترف إني بكبر في السن، ولكل ما بكبر كل ما مشاعري بتضعف، وأنا بحب أولادي وعايشة من غيرهم، وبيوحشوني، ودايمًا بحلم إني بشوفهم.. بس أنا مش مسامحة محمد فؤاد لأنه داس على الجرح، وترك دموعي تنزف».

واختتمت: "لولا احترامي للمشاهدين لتركت البرنامج والمحطة الفضائية".