شارك الفنان رامي جمال جمهوره، برسالة استقبلها من أحد متابعيه عقب طرح أغنيته الجديدة لحظة بعادك، التي طرحها عبر صفحته الشخصية على موقع التواصل الاجتماعي «فيسبوك»، وكشف فيها عن عودته إلى زوجته بعد 3 سنوات من الانفصال بسبب كلمات أغنية لحظة بعادك.

وكتب رامي جمال: "امبارح قبل ما أنام جات لي الرسالة دي وفرحتني جدا، وعاوز أقول حاجه من واقع حياتنا، الدنيا متعاشة مرة واحدة، متفرطوش في اللي بتحبوهم بسهولة، احنا للأسف جيل بيشوف الانفصال والطلاق سهل، رغم أننا اتربينا في بيوت كان بيحصل فيها مشاكل أكيد، لكن كان أهالينا متمسكين أن البيوت دي ما تتهدش بسهولة، مشاكل الحياة كتير لكن متخلوش الأفلام والمسلسلات وحكاوي الناس تخليكم تطلبوا أو تستنوا من اللي بتحبوهم كل حاجة، وما تعلوش سقف توقعاتكم".

وتابع:" احنا اتعلمنا أن البيوت تتهد على العرض والكرامة فقط، لكن خلافات الدنيا العادية لا ما تفتكروش، أن في حد حياته كاملة زي ما بتشوفوها على انستجرام والمسلسلات والأفلام، لو كل واحد وواحدة اتهيالهم أن الانفصال هيخليكم بكرة تعيشوا بحرية، وتلاقوا فرص وشركاء أحسن هتضيعوا من أيديكم".