هالة عمر ليست حبيبة تامر حسني الجديدة، بالرغم من اتهام بسمة بوسيل بأنها السبب وراء انفصالهما، إلا أن تامر حسني أراد نفي تلك الشائعات بنشر «ستوري» عبر حسابه الرسمي على موقع تبادل الصور والفيديوهات القصيرة انستجرام.

كتب تامر حسني:«لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مرة رديت عليها شكرتها و لما سافرت إسكندرية في الوقت ده لقيت بنت صغيرة أوي بتعيط و بتجري عليا فا وقفتلها وفكرتني بنفسها».

تامر حسني يكشف من هي هالة عمر 

وأضاف:«و فضلت تعيط و تقولي احنا معاك ولازم تكمل عشان كنت بتحارب جداً في بداياتي فا اتصدمت أن اللي بتقول كده بنت صغيرة كده و المجهود ده كله اللي عاملاه بنت صغيرة عندها 14 سنة وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبرة يمسكها و’نا قولت لا لازم ’كتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب».

وتابع تامر حسني :«فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب إيديها مني أنا عشان والدها و والدتها توفاهم الله في سنه واحدة رحمهم الله ياريت نفتكرهم ونهديلهم ثواب الدعاء والفاتحة».

واختتم:«ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله».