المفاجأة أن رمضان غير متزوج ولا تربطه علاقة بأي فتاة، وقال لـ بوابة المواطن الإخبارية:« أنا والله معرفش موضوع البوست ده، كنت شغال اول يوم عادي، وتاني يوم جيه واحد وأسرته، قالي إحنا جايين عند طريق الانترنت، قولتله إيه حكاية الانترنت، فوراني البوست منشور على جروب روض الفرج».

وتابع:« انا اتصدمت لما شوفت البوست عشان أنا مش متجوز ولا مرتبط، ومعرفش مين دي اللي نزلت البوست والموضوع بقى ترند مش عارف إزاي وأنا والله جاي أكل عيش».

رد فعله على البوست 

وعن تلك السيدة التي كتبت المنشور عبر الفيسبوك:«موضوع الست دي انا معرفهوش، أنا مش متجوز ولا عايز مساعدة من أي حد، هو الموضوع في التسويق حلو أوي، بس ممكن الفكرة ترفع حد اوي وترجع تنزله، أهلي اضايقوا من الموضوع ده عشان معايا ناس واقفين جنبي وشغالين معايا».

رمضان حاصل على بكالوريوس تجارة خريج دفعة 2013، وأضاف:«بعد الجيش سافر قعدت فترة برة وبعد كدة رجعت، قعدت 4 سنين وشوية، رجعت من سنة ونص، واشتغلت في الفنادق وبعد كدة قعدت في البيت فترة مع والدتي بعد ما أبويا اتوفى،وجيت القاهرة وناس صحابي عرفوني بعم محمد صاحب المطعم».