طول عمرنا كنا بندرس أن زيادة كميات الاكل والعذاء مهمة لنمو الكائن الحى ووجوده ولكن للاسف فى الحضارة الحديثة الموضوع زاد عن حده وانقلب لسمنة وأمراض كتير .. وبالداراسة ومتابعة الكائنات الحية اتعمل تجارب على القرود وخلوا قرد ياكل كميات اكل مفتوحة وقرد تانى بنفس مواصفاته ياكل 70% فقط من احتياجاته اليومية بعد مرور السنين ووصول القردين للمرحلة السنية للشيخوخة وجدا ان القرد اللى أكل كميات اقل كانت صحته افضل وشكله لسه شباب بعكس القرد التانى

ووجدوا كمان انواع من الديدان لما بيكون متوفر غذاء كتير دورة حياتها بتنتهى اسرع فى حين لما الغذاء بيكون قليل حجمها بيكون اصغر و مدة دورة حياتها  بتتضاعف أضعاف العمر الطبيعى*الصور*
وكدا نقدر نقول بقلب جامد حاول تقلل أكلك وانت الكسبان

_ الرياضة والنشاط البدنى عموما
 فوائد الرياضة مهما اتكلمنا عنها مش هنقدر نكتبها كلها
فى كل الاحوال الرياضة بتنشط مسارات طاقة ومسارات حيوية فى الجسم قادرة على تنشيط نمو الخلايا بطريقة صحيحة وتساعد الجسم على تكوين حجم عضلى يساعد على الحفاظ على الجسم فى حالة صحية اطول وقت
حاول تكتسب اكبر كتلة عضلة ممكنة قبل سن ال40 لو حابب تستمتع بحياتك بعد ال70
3_الصيام وهو الامتناع عن الاكل ..
حاول تصوم يوميا؟ صيام اسلامى او  صيام مسيحي
*صيام متقطع وهو انك تخلى ساعات اكلك يوميا محددة ويفضل تكون من ساعة ما تصحى من النوم لحد 4 ساعات او أكتر قبل النوم انت كدا هتساعد جسمك على تنظيم استهلاك الطاقة وقدرة افضل على حرق الدهون حتى وانت نايم وبالتالى حتى لو اكلت اكتر هتحرق اكتر وتحافظ ع عادات دخول الحمام منتظمة وانت متحكم فيها الى حد كبير جدا
*صيام مطول ودا صيام اكتر من 24 ساعة ولكن لازم تحت اشراف طبى وممكن خلاله تشرب مياه او تاكل دهون او تاكل وجبات اقل من 400 كالورى دهون يوميا وممكن توصل لأيام. حسب قدرتك خاصة لو انت ماشى على الكيتو جينيك دايت
الصيام بيساعد الجسم على تنظيف نفسه من الخلايا الميتة والخلايا  البايظة اللى ممكن تتحول لسرطانات بعد كدا لو فضلت موجودة فى جسمنا
4_تغيير بعض الجينات
ودا مجال بحث ودراسة عميقة حاليا وتم تجربته على بعض البكتريا وتم تغيير حينات معينة مسئولة عن إطالة العمر وحصل فعلا زيادة  زمنية فى دورة حياتها *البكتريا سهل متابعة عشان دورة حياتها ساعات لايام
وحاليا تم تحديد بعض الجينات ومنتجاتها من  البروتين وأهمها وأشهرها حاليا ال
Sirtuins
ومن اشهر ما ينشطها الصيام والرياضة

وفيه مواد ممكن تنشطها بيحاولوا يكون متاحة تجاريا الفترة القادمة
5_القدرة على التحكم فى التوتر والقدرة على النوم العميق الهادىء ودا موضوع يطول شرحه فى البوستات الجاية