قام المخرج المساعد بقناة المحور معتز السيسى ، بتسجيل محضر فى قسم شرطة كرداسة لاعتداء صاحب محل توكيل ابو رواش على عمه، وذلك اثناء تصليح سيارته الخاصة بطريق اسكندرية الصحراوى بالجيزة .

وفى هذا السياق قال السيسى فى تصريح صحفى له اليوم الثلاثاء، كنت رايح التوكيل علشان كنت حاجز علي أني اغير المساعد الأمامي علشان في مشكله بيعمل صوت و كنت بسئلهم كل مره ويقولو مفيش عيب و بعد كام يوم لقيت المساعد جاب زيت و المفروض يتغير علي حسابهم لأن العربية في الضمان و محتاج اغير دراع الإشارات وجهاز الكشاف الامامي و تحكم الطاره الزراير بتعلق كمان .

واوضح المخرج، "ان عربيتي موديل 2014 نوع جين 2 لم تكمل 30000 الف كيلو بعد و عمي كان معايا واقفين مع المهندس جمال واعد يقولو الموجود هنركبه والي مش موجود يتم طلبه وانتظار وصوله و بيقول المساعد مش موجود و الموجود من كل ده جهاز النور بتاع الكشاف وانا بقالي سنه ونصف".

وتابع؛ يدولي معاد كل فترة وعند ذهابي للتوكيل لا اجد قطع غيراي المطلوب تغيرها و المهندس فارس آخر مره يقولي أن الحاجة كانت جت بس ركبناها في عربيه ثانيا يعني صباح الاستفزاز واحنا بنتكلم لقينا واحده بتزعق بتقول عربيتها 12 الف كيلو وجابت مساعد قلها مش عندي واحنا بنكلمه أعد يستفز في عمي".

واستطرد قائلا؛ ولقيت اتنين أمن جايين واحد منهم عامل نفسه بيكلم عمي و راح مسكو من كتفه و ومسك فيه كده راحت ابتدى الخناق والزعيق و لقيت واحد منهم رايح يجيب حديده وجي عليا بعدت عنو علشان راسي لأني عامل عملية في الفترة الاخيرة دي".

يذكر ان المحضر تم برقم ٥٠٣٠ لسة ٢٠١٦ الموافق الثلاثاء ٤ اكتوبر .