عجوز تقترب من سن الـ 70 تروي تفاصيل عملها في أحد محلات الكشري
الثلاثاء 11/أكتوبر/2016 - 04:01 ص
السيدة العجوز
بتعمل سيدة عجوز في سن الـ 69، في أحد محلات الكشري لتتمكن من الحصول على 40 جنيه يوميًا يؤمنوا لها احتيجاتها اليومية، من مأكل وعلاج و إيجار شقتها على الرغم من وجود سبعة أبناء لها إلا أنهم تخلوا عنها بسبب انشغالهم بظروف حياتهم.
وتقول العجوز: "بشتغل من 6 سنين في محل كشري، بقشر 6 شوالات بصل في اليوم، الشوال فيه حوالي 75 كيلو، لما إيدي بتتهري وضهري بيتكسر، بس راضية والحمد لله ما هو أكل عيشي ولازم أستحمل، اشتغلت لما جوزي كان تعبان بالكبد وفيروس سي، مكانش له تأمين ولا حاجة، وكان لازم أصرف عليه، وأوفر فلوس الدوا، وفضلت أجري عليه لحد آخر نفس في عمري، ومن غير ما اشتكي وامد إيدي لحد، وكفاية دعواته ليا قبل ما يموت مقوياني وعايشة مستورة بيها لحد دلوقت".
وتابعت: "إيجار البيت غالي على أبنائي، ومش هاشيلهم فوق طاقتهم، كل واحد فيهم بيشتغل على باب الله ومعاه عيال وأنا مش عاوزة أكون تقيلة على حد، خاصة إن ستات عيالي ممكن يزعلوا ويقولوا: جايب أمك تقعد معانا عشان نأكلها.. كده أحسن أنا بشتغل وراضية، والحمد لله المحل زود نص جنيه على يوميتي، وبقيت بآخد 40 جنيه، وماينفعش أقعد في يوم من الشغل".
أخبار تهمك
