انفعلت الإعلامية ريهام سعيد على الهواء على خبر طردها من الكنيسة البطرسية أثناء تغطيتها لحادث التفجير الأحد الماضي، قائلة: "أنا جتتي نحّست من كتر ما بيحاول البعض تشويه صورتي".

وقالت خلال برنامج "صبايا الخير" المذاع على فضائية "النهار" قائلة: "طظ في شعبية ريهام سعيد.. الناس سابت كل حاجة وتفرغت لأخباري، وبقول مفيش حد اعتدى عليا ولو أنا مش عاجبه الناس مش هنزل الشارع".

وأضافت: "الفرق بيني وبين لميس الحديدي مقدمة برنامج هنا العاصمة، أنني مختلطة بالناس وهي ارتبكت لأنها أول مرة تتعرض للموقف ده.. لكن أنا ليا إشارة بأعملها لفريق البرنامج لما بحس أن في حاجة هتحصل، ومفيش إعلامي دخل الكنيسة لتصوير آثار التفجير.. وأول ما دخلت الكنيسة شوفت شاب يقول امسكوا ريهام سعيد دي إخوانية وأول ما سمعت كلام الشاب انسحبت فورا".