رصدت عدسة "المواطن"، صورًا لانفجار ماسورة صرف صحي بالشوارع الرئيسية في البساتين، خاصة قرب شارعي نور الدين وأجزاء من شارع عبد المنعم رياض عند مدخل المحكمة.

وعبر المواطنين عن استيائهم من هذا المشهد، وقال "م. أ": "المنظر دا اللى انت شايفه بقاله يومين تلاتة ومحدش سائل".

وقالت "ن. م": "كل يوم بعدي من هنا وللأسف بنعانى وهدونا بتتبل من مية المجارى فما بالك بالناس اللى فتحة محلاتهم ادام المجارى دي".

وأوضحت "ف. س": "مش عارف المنظر دا هيفضل لحد أمتى، كفاية الريحة الكريهة والعربيات اللى كل شوية تعدي ومبتبطلش طول اليوم فلازم تدخل المية للمحلات وبالتالى الزباين مش هتيجي تشترى والمجاري طفحة كدا".

وأضاف آخر: "هنشتكي لمين محدش سائل لا نواب ولا الحي ولا اى حاجة ولو جم شالوا المية هتطفح تاني الموضوع دا اتكرر كتير جدا.. احنا خدنا على كدا خلاص".