نشر الشاب "احمد علاء" الذي قام برفع علم "الرينبو"الذي يعني حرية ممارسة " الشذوذ الجنسي"، عبر صفحته الشخصية قائلا انه لم يكن مثلي، واعتقد واحد رفع علم rainbow في وسط ٢٥ الف واحد هيبقى عنده الشجاعه انه يقول على نفسه مثلي لو هو كدا فعلا.

لافتا الي انهم لم يسموا شواذ بل مثليين، والمثلية الجنسية موجودة في اكتر من ١٥٠٠ نوع وتوجه جنسي معترف بيه، من اكبر المظمات زي منظمة الصحة العالمية وجمعية علم النفس الامريكية والجمعية الطبية الأمريكية.

كما ان المثلية الجنسية لو الأديان بتحرمها ممكن حضرتك متمارسهاش بكل سهولة، زي ما الخمرة متحرمة وفي ناس بتشربها لكن انك تفرض معتقداتك على غيرك دي همجية وتطرف وممكن تروح داعش هي بترحب جدا بأمثالك.

مضيفا ان المجتمعات مش بتنحدر لما يكون فيها مثليين وملحدين وترانس، بل تنحدر لما يكون فيها ناس مبتتقبلش الإختلاف وحاشرين مناخيرهم في اعضاء الناس الجنسية وحياتهم الشخصية، وشايفين انهم بيمتلكوا الحقيقة والفضيلة وبيجبروا الناس عليها.


اما بالنسبة الاعلاميين الي بيتشموني مش غريبة عليكم وده شيء متوقع، انتو تستكتوا عن القتل خارج اطار القانون والاعتقالات والاخفاء القسري واحكام قضائية ظالمة، بس الناس تمارس حياتها الشصخية بالطريقة الي تريحها او تمارس حق التعبير عن الرأي الي كفلهولهم الاعلان العالمي لحقوق الانسان فدي بالسبالهم فاجعة وخلاص المجتمع بينهار.. انتو بجد، شكرا للاعلاميين برضه انا تقريبا بقيت مطلوب امنيا دلوقتي يا رب تكونوا مرتاحين.

مستكملا حديثة قائلا ان تم التوجة الية بالكثير من التهديدات بالقتل والاغتصاب والسحل، بتثبتلي ان داعش موجودة في كل شارع في مصر واه يا جماعة انتو انتصرتوا انا خايف انزل الشارع.

وفي النهاية اسف لكل الناس الي اتشتمت في الكومنت عندي، واسف لو سببت لمنظمين الحفلات اي مشكلة، اسف للإعلاميين المحترميين الي كفلولي حق الرد انا في حالة نفسية سيئة وكل حاجة بتبوظ ومش قادر اتلكم ولا ادافع عن نفسي، اسف لجمهور مشروع ليلى لو سببتلهم مشاكل. وشكرًا.

وقد لقي كثير من السخرية والاهانة له من قبل نشطاء مواقع التواصل الاجتماعي لما نشرة.