بشكل مفاجئ، علا صوت الرئيس عبد الفتاح السيسي، مكشرا عن أنيابه، غاضًا، مشيرا بسبابته إلى كافة الحاضرين فى قاعة الاحتفال بافتتاح حقل "ظهر" بمحافظة بورسعيد، اليوم الأربعاء، مؤكدا على أنه لا يخاف من "أهل الشر" حتى لو دفع حياته ثمنا لذلك.

وقال الرئيس السيسي: "على الجميع من أبناء الشعب المصري، أن يتعلموا يعني إيه دولة"، مشيرا إلى أن بعض الناس تتحدث بكلام يضر مصالح الدولة المصرية.

وهدأ الرئيس السيسي قليلا، ثم عاود الإنفعال مرة أخري، وكأن هناك شئ يخفيه على المصريين، لكي لا يقلقهم أكثر من ذلك، قائلا: "قسمًا بالله.. اللي إنتوا شايفينه دا مكنش هيحصل لولا الاستقرار وثبات المصريين، الحقل دا يمثل إنتاج 60% من إنتاج الكهرباء في مصر، طب الكهرباء كلها بتجي منين؟!، محدش يتكلم عن بلده ويبقى عايز يضيعها ويقول دي حقوق الـ100 مليون".

ولخص الرئيس مخاوفه على مصر والمصريين فى جملتين، مخاطبًا فيهما كافة العابثين بمقدرات الوطن: "ميصحش حد يلعب في أمن مصر وإحنا موجودين، اللي عايز يلعب في أمن مصر يخلص مني الأول، أنا أروح بس الـ100 مليون يعيشوا".

وتابع الرئيس: "الكلام اللي اتعمل من 7-8 سنين مش هيتكرر في مصر، اللي مانجحش وقتها عايزين تنجحوه دلوقتي، أمن واستقرار مصر ثمنه حياتي وحياة الجيش، محدش يفكر يدخل معايا في الموضوع دا أنا مش سياسي ومش بتاع كلام، إحنا مش بنمشي البلد بالكلام، وأي حد يفكر إنه يقرب منها، أنا هقول للمصريين انزلوا تاني ادوني تفويض قدام الأشرار، أنا ما بخافش من حد .. أنا مبخافش إلا من ربنا وعلى مصر بس".